చెర్రీ - బన్నీ.. నెక్స్ట్ ఏంటి..?

టాలీవుడ్‌ స్టార్ హీరోలందరూ పలు క్రేజీ ప్రాజెక్ట్స్ బిజీగా ఉన్నారు. వారిలో కొందరు మరో రెండేళ్ల వరకూ ఖాళీ లేకుండా డైరీ ఫుల్ చేసుకున్నారు. 'ఆదిపురుష్' చిత్రాన్ని వచ్చే ఏడాది జూన్ లో రిలీజ్ కు ప్లాన్ చేసిన యంగ్ రెబల్ స్టార్ ప్రభాస్ లైనప్ చాలా పెద్దదే ఉంది. ప్రస్తుతం ప్రశాంత్ నీల్ దర్శకత్వంలో 'సలార్' సినిమా షూటింగ్ లో పాల్గొంటున్నారు డార్లింగ్. అలానే నాగ్ అశ్విన్ డైరెక్షన్ లో 'ప్రాజెక్ట్ K'.. మారుతితో 'రాజా డీలక్స్‌' వంటి మరో రెండు చిత్రాలు సెట్స్ మీదనే ఉన్నాయి.

సందీప్ వంగా దర్శకత్వంలో 'స్పిరిట్' సినిమాతో పాటుగా సిద్దార్థ్ ఆనంద్ తో కలిసి ప్రభాస్ ఓ భారీ ప్రాజెక్ట్ చేయాల్సి ఉంది. 'సలార్' చిత్రాన్ని రెండు భాగాలుగా ప్లాన్ చేస్తున్నారనే టాక్ ఉంది. ఇక సూపర్ స్టార్ మహేష్ బాబు ప్రస్తుతం త్రివిక్రమ్ శ్రీనివాస్ దర్శకత్వంలో SSMB28 సినిమాలో నటిస్తున్నారు. దీని తర్వాత దర్శకధీరుడు ఎస్ ఎస్ రాజమౌళితో ఓ గ్లోబ్‌ ట్రాటింగ్ యాక్షన్ అడ్వెంచర్‌ కోసం చేతులు కలపబోతున్నారు.

RRR సినిమాతో పాన్ ఇండియా ఇమేజ్ సొంతం చేసుకున్న యంగ్ టైగర్ ఎన్టీఆర్.. కొరటాల శివ దర్శకత్వంలో NTR30 అనే వర్కింగ్ టైటిల్ తో ఓ మల్టీ లాంగ్వేజ్ మూవీ చేయడానికి రెడీ అయ్యారు. త్వరలోనే ఈ ప్రాజెక్ట్ సెట్స్ మీదకు రానుంది. దీని తర్వాత 'కేజీఎఫ్' ఫేమ్ ప్రశాంత్ నీల్ డైరెక్షన్ లో ఓ మాస్ యాక్షన్ మూవీ చేయనున్నారు. దీనికి సంబంధించిన అధికారిక ప్రకటన వచ్చేసింది.

ఇలా ప్రభాస్ - మహేష్ - తారక్ ముగ్గురూ మరో రెండేళ్లు బిజీగా ఉండేలా లైనప్ రెడీ చేసి పెట్టుకున్నారు. కానీ మెగా పవర్ స్టార్ రామ్ చరణ్ మరియు ఐకాన్ స్టార్ అల్లు అర్జున్ మాత్రం చెరొక ప్రాజెక్ట్ కు మాత్రమే కమిటై ఉన్నారు. మాగ్నమ్ ఓపస్ RRR తో జాతీయ స్థాయిలో క్రేజ్ సొంతం చేసుకున్న చరణ్.. ప్రస్తుతం శంకర్ దర్శకత్వంలో ఓ పాన్ ఇండియా పొలిటికల్ థ్రిల్లర్ లో నటిస్తున్నాడు.

అయితే 'RC15' తర్వాత చెర్రీ సినిమా ఏంటో ఎవరికీ క్లారిటీ రావడం లేదు. యూవీ క్రియేషన్స్ బ్యానర్ లో గౌతమ్ తిన్ననూరి తో చరణ్ ఓ సినిమా చేయడానికి అంగీకరించారు. కానీ ఇప్పుడు వివిధ కారణాలతో ఆ ప్రాజెక్ట్ క్యాన్సిల్ అయిందని తెలుస్తోంది. దీంతో RC16 కోసం ఏ దర్శకుడితో జట్టు కట్టబోతున్నాడనే ఆసక్తి అందరిలో నెలకొంది. ఈ నేపథ్యంలో రోజుకో డైరెక్టర్ పేరు వినిపిస్తోంది.

కన్నడ దర్శకుడు నార్తన్ ఇటీవల చరణ్ కు ఓ స్క్రిప్ట్ నేరేట్ చేసినట్లుగా రూమర్స్ వచ్చాయి. ఈ క్రమంలో సుకుమార్ దర్శకత్వంలో మెగా పవర్ స్టార్ నెక్స్ట్ మూవీ ఉంటుందని గత కొన్ని రోజులుగా వార్తలు చక్కర్లు కొడుతున్నాయి. గతంలోనే చెర్రీ - సుక్కూ కలిసి మరో ప్రాజెక్ట్ చేయాలని అనుకోగా.. అది 'పుష్ప 2' తర్వాత ఉండొచ్చనే ఊహాగానాలు వినిపిస్తున్నాయి. ఇప్పటికే 10 నిమిషాల షూటింగ్ చేసినట్లు నివేదికలు రావడం ఈ వార్తలకు బలం చేకూర్చింది.

మరోవైపు అల్లు అర్జున్ ఇప్పుడు సుకుమార్ దర్శకత్వంలో 'పుష్ప: ది రూల్' సినిమాని సెట్స్ మీదకు తీసుకొచ్చే పనిలో ఉన్నాడు. దీని తర్వాత మరో ప్రాజెక్ట్ కు బన్నీ ఇంకా సంతకం చేయలేదు. వేణు శ్రీరామ్ తో చేయాలనుకున్న 'ఐకాన్: కనబడుటలేదు' ఇంక కనిపించే అవకాశాలు తక్కువే ఉన్నాయి. త్రివిక్రమ్ శ్రీనివాస్ తో మరో మూవీ చేస్తారనే టాక్ ఉంది కానీ.. ఎప్పుడు చేస్తారనే క్లారిటీ లేదు. బోయపాటి శ్రీను - మురగదాస్ - కొరటాల శివ వంటి దర్శకుల పేర్లు వినిపిస్తున్నాయి కానీ.. ఏదీ కంఫర్మ్ అవ్వలేదు.

ఇలా చెర్రీ - బన్నీ ఇద్దరూ ప్రస్తుతం చేస్తున్న సినిమాలు కాకుండా.. మరో ప్రాజెక్ట్ కు సైన్ చేయలేదు. దీంతో పలువురు యంగ్ అండ్ టాలెంటెడ్ డైరెక్టర్స్ ఇద్దరు స్టార్ హీరోలతో సినిమా చేసే అవకాశం ప్రయత్నాలు చేస్తున్నారని తెలుస్తోంది. కాకపోతే ప్రస్తుతం పాన్ ఇండియా స్టార్ ఇమేజ్ ని నిలబెట్టుకునే ప్రణాళికతో ముందుకెళ్తున్న రామ్ చరణ్ - అల్లు అర్జున్.. కొత్త ఫిల్మ్ మేకర్స్ కి ఛాన్స్ ఇవ్వడం కష్టమే అనే అభిప్రాయాలు వ్యక్తం అవుతున్నాయి. ఏదేమైనా మంచి స్క్రిప్ట్ మరియు డైరెక్టర్ తో తమ ఫేవరేట్ హీరోలు నెక్స్ట్ ప్రాజెక్ట్స్ ని సెట్ చేసుకోవాలని ఫ్యాన్స్ కోరుకుంటున్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.