రాహుల్ సిప్లిగంజ్ ఫస్ట్ లుక్ః అద్దిరిపోయింది ‘చిచ్చా’..!

సింగ‌ర్ రాహుల్ సిప్లిగంజ్ హీరోగా ట‌ర్న్ తీసుకున్నాడు. బిగ్ బాస్-3 విన్న‌ర్ గా ఫుల్ ఫేమ‌స్ అయిన రాహుల్‌.. ఇప్పుడు వెండితెర‌పై యాక్టింగ్ ఇర‌గ‌దీసేందుకు సిద్ధ‌మ‌య్యాడు. ఆయ‌న హీరోగా తెర‌కెక్కుతున్న మూవీ ‘చిచ్చా’. ఆర్ ఎస్ ఎంట‌ర్ టైన్మెంట్ నిర్మిస్తున్న ఈ చిత్రాన్ని మ‌ల్లిక్ కందూరి రూపొందిస్తున్నారు.

కాగా.. ఈ చిత్రానికి సంబంధించిన టైటిల్‌, ఫ‌స్ట్ లుక్ ఇవాళ రిలీజ్ అయ్యింది. తెలంగాణ మంత్రి హ‌రీష్ రావు ఆవిష్క‌రించారు. ఈ సంద‌ర్భంగా మంత్రి మాట్లాడుతూ.. రాహుల్ సిప్లిగంజ్ తెలంగాణ బ్రాండ్ ను ముందుకు తీసుకెళ్తున్నార‌ని చెప్పారు. ఈ సినిమాకు ఎలాంటి స‌హ‌కారం అవ‌స‌ర‌మైనా అందిస్తాన‌ని హ‌రీష్ రావు అన్నారు.

కాగా.. టైటిల్ - ఫ‌స్ట్ లుక్ మోష‌న్‌ పోస్ట‌ర్ యూట్యూబ్ లో సంద‌డి చేస్తున్నాయి. బ్యాగ్రౌండ్లో తీన్మార్ మారుమోగుతుంటే.. ధూమ్ ధామ్ గా చిందేస్తున్న రాహుల్ లుక్ అద‌ర‌గొడుతోంది. ప్ర‌స్తుతం ఈ మోష‌న్ పోస్ట‌ర్‌ సోషల్ మీడియాలో వైరల్ అవుతోంది. మీరు కూడా ఓ లుక్కేయండి.