చినికి.. చినికి.. వింటూ ఉండిపోవాల్సిందే

ఒక సన్నని ధారలా మొదలై నెమ్మదిగా కదులుతూ వాగులు.. వంకలను పలకరించి వేగం పెంచుకుని... చిన్నచిన్న నదులను కలుపుకుని పరవళ్లు తొక్కుతూ ప్రవహించి పెద్ద ప్రవాహంలా మారాక నెమ్మదిస్తుంది. ఆ తరవాత నెమ్మదిగా సాగుతూ వెళ్లే నదిగమనంలో ఓ అందమైన లయ ఉంటుంది. ఈ లయ.. జతి ఓ పాట రూపంలో వినిపించి ఆడియన్స్ ను భలేగా ఆకట్టుకుంటున్నాడు కళ్యాణ్ రామ్.

ఈమధ్య కాలంలో లుక్స్ విషయంలో మార్చిన కళ్యాణ్ రామ్ సినిమాల విషయంలోనూ స్టయిల్ మార్చాడు. కెరీర్ లో చాలా రోజుల తరవాత నా నువ్వే సినిమాతో రొమాంటిక్ ఎంటర్ టెయినర్ చేస్తున్నాడు. కొత్త డైరెక్టర్ జయేంద్ర దర్శకత్వంలో తమన్నా హీరోయిన్ గా నటిస్తున్న ఈ మూవీలో చినికి చినికి చిలిపిగాలి తడి.. తగిలితగిలి వలపువాన జడి అంటూ సాగే పాట రీసెంట్ గా రిలీజ్ చేశారు. ఈ పాట మెలోడీ ప్రియులను తెగ ఆకట్టుకుంటుంది. అచ్చ తెలుగు పదాలతో.. మంచి మధురమైన మ్యూజిక్ తో అలా గాలివాలుగా వినవచ్చిన పాటలా ఉంటూ మన మనసును తాకి వెళ్లిపోతుంది.

ఈ పాట సప్తపర్ణ చక్రవర్తి.. కార్తీక్ కలిసి పాడారు. అచ్చ తెలుగు అమ్మాయికి ఏ మాత్రం తీసిపోని రీతిలో సప్తపర్ణ చాలా అద్భుతంగా పాడిందనే చెప్పాలి. మళయాళం మంచి పేరు తెచ్చుకున్న షరీత్ ఈ సినిమాకు మ్యూజిక్ అందించాడు. ఫేమస్ లిరిక్ రైటర్ అనంత్ శ్రీరామ్ ఈ పాట రాశారు. వీలయితే ఈ అందమైన పాటను విని అందులోని మాధుర్యాన్ని ఆస్వాదించండి.

వీడియో కోసం క్లిక్ చేయండి