వైరముత్తు మీద మరోసారి రెచ్చిపోయిన చిన్మయి..!

మీటూ మూమెంట్ లో తమిళ రైటర్ వైరముత్తు మీద సంచలన వ్యాఖ్యలు చేసింది సింగర్ డబ్బింగ్ ఆర్టిస్ట్ చిన్మయి శ్రీపాద. ఎవరైనా ఎక్కడైనా కాస్టింగ్ కౌచ్, మీటూ అంటూ మాట్లాడితే చాలు ఆమె అక్కడ ప్రత్యక్షమవుతుంది. వైరముత్తు తనని లైంగికంగా వేధించాడని తన వాయిస్ బలంగా వినిపించింది చిన్మయి. అంతేనా సోషల్ మీడియాలో మహిళల పట్ల జరిగే దారుణాల మీద ఆమె తన గొంతు వినిపిస్తుంటారు.

ఇక లేటెస్ట్ గా మరోసారి వైరముత్తు మీద ఫైర్ అయ్యింది చిన్మయి. అతన్ని కలిసి అతనితో ఫోటో దిగిన యువ నటి అర్చన షేర్ చేసింది. వాటికి స్పందించిన చిన్మయి అతన్ని నమ్మవద్దు. ఒంటరిగా అతన్ని అసలు కలవద్దు అంటూ కామెంట్ పెట్టింది చిన్మయి. రాధా రాణి సీరియల్ తో పాపులర్ అయిన అర్చన ఓ సినిమా షూటింగ్ లో పాల్గొన్నది. ఆ టైం లో అక్కడే వైరముత్తు ఉండగా అతనితో ఫోటో దిగి సోషల్ మీడియాలో షేర్ చేసింది.

చిన్మయి ఈ ఫోటో పై తనదైన కామెంట్ చేసింది. అసలు అతన్ని దూరంగా పెట్టు.. చాలా జాగ్రత్తగా ఉండాలి.. పక్కన ఎవరు లేకుండా అతన్ని కలవడానికి వెళ్లకు అని జాగ్రత్తలు చెబుతుంది చిన్మయి. గొప్ప రైటర్ గా పేరు తెచ్చుకున్న వైరముత్తు చిన్మయి వేధింపుల విషయంలో సైలెంట్ గా ఉంటున్నారు. చిన్మయి ఎంత గొడవ చేసినా కోలీవుడ్ సినీ ప్రముఖులు ఎవరు దీనిపై పెద్దగా రియాక్ట్ అయ్యింది లేదు.

అయితే చిన్మయి మాత్రం వైరముత్తు కనిపిస్తే చాలు అతన్ని టార్గెట్ చేస్తూ కామెంట్స్ చేస్తుంది. అప్పట్లో నేషనల్ వైడ్ గా సంచలనం సృష్టించిన మీటూ మూమెంట్ లో కొన్నాళ్ల పాటు చిన్మయి వ్యాఖ్యలు అందరిని షాక్ అయ్యేలా చేశాయి. రైటర్ గా తమిళ సినీ పరిశ్రమకు ఎన్నో అద్భుతమైన పాటలు అందించిన వైరముత్తు ఇలా సింగర్స్ ని వేధిస్తాడని అతనిలోని మరో యాంగిల్ ని ప్రపంచానికి పరిచయం చేసింది చిన్మయి శ్రీపాద.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.