ప్రీ రిలీజ్ పోస్టర్: చిరు 150 అదరగొట్టింది

మెగాస్టార్ చిరంజీవి 150 సినిమా సందడి మొదలై రెండు నెలలు పైగానే గడిచింది. ఇప్పుడు ఫ్యాన్స్ అంతా చిరు బర్త్ డే కోసం ఆత్రంగా ఎదురుచూస్తున్నారు. అటు తమ అభిమాన హీరో బర్త్ డే కావడంతో పాటు.. మెగాస్టార్ చిరంజీవి కొత్త సినిమాకి సంబంధించిన ఫస్ట్ లుక్ రిలీజ్ చేస్తారనే టాక్ గట్టిగానే వినిపించింది.

అభిమానుల అంచనాలను ఏ మాత్రం కాదనకుండా.. చిరు 150 ఫస్ట్ లుక్ ను ఆగస్ట్ 22న విడుదల చేయబోతున్నట్లు నిర్మాత రామ్ చరణ్ ప్రకటించేశాడు. 'ఆగస్ట్ 22న మెగాస్టార్ చిరంజీవి 150వ సినిమా ఫస్ట్ లుక్ రిలీజ్ చేసేందుకు టీమ్ అంతా రెడీగా ఉన్నాం' అన్న రామ్ చరణ్.. దీనికి సంబంధించిన ఫస్ట్ లుక్ పోస్టర్ రిలీజ్ చేశాడు. ఓ మ్యాప్.. దానికి ముందు రెడ్ కలర్ కర్టెన్ ఆ పోస్టర్ లో కనిపిస్తాయి. హైద్రాబాద్ మ్యాప్ అని అర్ధమయ్యేందుకు కర్టెన్ పై బుద్ధుడుని.. చార్మినార్.. గోల్కొడ కోటలను చూపించారు. మ్యాప్ పై అండర్ గ్రౌండ్ ని చూపించారు లెండి. ఈ థీమ్ ఏంటో తెలియాలంటే సినిమా చూడాల్సిందే కానీ.. కర్టెన్ రైజర్ పోస్టర్ ని చూసి.. ఫ్యాన్స్ ఆనందంతో కేకలు పెట్టేస్తున్నారు.

ఇక కొణిదెల ప్రాడక్షన్స్ అనే బ్యానర్ తో విడుదలైన మొదటి పోస్టర్ ఇదే కావడంతో ఆభిమానులు ఆత్రంగా షేర్ చేసేకుంటున్నారు. ఫస్ట్ లుక్ ఆగస్ట్ 22న ఖాయమని చెర్రీ చెప్పేయడంతో.. మెగా ఫ్యాన్స్ సంబరాల్లో మునిగిపోయారు. ఈసారి చిరు బర్త్ డే సంబరాలతో పాటు.. చిరు 150కి సంబంధించిన ఫస్ట్ లుక్.. ఫ్యాన్స్ కు స్పెషల్ గిఫ్ట్ కానుంది.