Begin typing your search above and press return to search.
Chiru156: 'ఛలో' దర్శకుడితో చిరంజీవి..!
By: Tupaki Desk | 14 Dec 2021 12:51 PM GMT
మెగాస్టార్ చిరంజీవి మరో యంగ్ డైరెక్టర్ కు అవకాశం ఇచ్చారు. 'ఛలో' 'భీష్మ' వంటి సూపర్ హిట్ చిత్రాలను రూపొందించిన వెంకీ కుడుములతో చిరు ఓ సినిమా చేయనున్నారు. మంగళవారం ‘Chiru156’ అనే వర్కింగ్ టైటిల్ తో ఈ చిత్రానికి సంబంధించిన అధికారిక ప్రకటన ఇచ్చారు.
RRR వంటి భారీ సినిమాని నిర్మిస్తున్న డీవీవీ దానయ్య.. డీవీవీ ఎంటర్టైన్మెంట్స్ బ్యానర్ పై చిరంజీవి 156వ చిత్రాన్ని నిర్మిస్తున్నారు. డాక్టర్ మాధవి రాజు దీనికి సహనిర్మాతగా వ్యవహరిస్తున్నారు. త్వరలోనే ఈ ప్రాజెక్ట్ కు సంబంధించిన మరిన్ని వివరాలు తెలియనున్నాయి.
చిరంజీవికి తాను వీరాభిమానినని డైరెక్టర్ వెంకీ కుడుముల గతంలో చాలాసార్లు బహిరంగంగానే చెప్పుకున్న సంగతి తెలిసిందే. ఇప్పుడు తన ఫేవరేట్ హీరోని డైరెక్ట్ చేసే అవకాశం లభించడంతో వెంకీ ఉత్సాహంగా ఉన్నట్లు తెలుస్తోంది.
''ఇలాంటి అవకాశాలు జీవితంలో ఒక్కసారే వస్తాయి!. నాకు ఛాన్స్ ఇచ్చినందుకు ధన్యవాదాలు చిరంజీవి సర్. నాపై మీకున్న నమ్మకం.. మీ పట్ల నాకున్న అభిమానం నన్ను నా శక్తి మేరకు పని చేసేలా చేస్తుంది. దీన్ని బ్యాంక్రోల్ చేసినందుకు డీవీవీ ఎంటర్టైన్మెంట్స్ మరియు డా. మాధవి రాజు గారికి ధన్యవాదాలు! #MegaStarWithMegaFan'' అని వెంకీ ట్విట్టర్ వేదికగా తన సంతోషాన్ని వ్యక్తం చేశారు.
ఇకపోతే చిరంజీవి యువ హీరోలకు పోటీగా వరుస సినిమాలు ప్రకటిస్తూ అందరినీ ఆశ్చర్యానికి గురిచేస్తున్నారు. కొరటాల శివ దర్శకత్వంలో తనయుడు రామ్ చరణ్ తో కలిసి చిరు నటించిన ‘ఆచార్య’ చిత్రం ప్రస్తుతం పోస్ట్ ప్రొడక్షన్ కార్యక్రమాలు జరుపుకుంటోంది. 2022 ఫిబ్రవరి 4న ఈ సినిమా విడుదల కానుంది.
అలానే మోహన్ రాజా డైరెక్షన్ లో ‘గాడ్ ఫాదర్’ - మెహర్ రమేశ్ తో ‘భోళా శంకర్’ - కె.ఎస్. రవీంద్ర (బాబీ) దర్శకత్వంలో 'Chiru154' సినిమాలు చేస్తున్నారు చిరంజీవి. ఇలా నాలుగు చిత్రాలను ఒకేసారి సెట్స్ మీదకు తీసుకొచ్చిన చిరు.. ఇప్పుడు వెంకీ కుడుములతో కొత్త ప్రాజెక్ట్ ని అనౌన్స్ చేసి మెగా ఫ్యాన్స్ ని ఉక్కిరిబిక్కిరి చేశారని చెప్పాలి. ఈ సినిమా షూటింగ్ వచ్చే ఏడాది ప్రారంభం కానుంది.
RRR వంటి భారీ సినిమాని నిర్మిస్తున్న డీవీవీ దానయ్య.. డీవీవీ ఎంటర్టైన్మెంట్స్ బ్యానర్ పై చిరంజీవి 156వ చిత్రాన్ని నిర్మిస్తున్నారు. డాక్టర్ మాధవి రాజు దీనికి సహనిర్మాతగా వ్యవహరిస్తున్నారు. త్వరలోనే ఈ ప్రాజెక్ట్ కు సంబంధించిన మరిన్ని వివరాలు తెలియనున్నాయి.
చిరంజీవికి తాను వీరాభిమానినని డైరెక్టర్ వెంకీ కుడుముల గతంలో చాలాసార్లు బహిరంగంగానే చెప్పుకున్న సంగతి తెలిసిందే. ఇప్పుడు తన ఫేవరేట్ హీరోని డైరెక్ట్ చేసే అవకాశం లభించడంతో వెంకీ ఉత్సాహంగా ఉన్నట్లు తెలుస్తోంది.
''ఇలాంటి అవకాశాలు జీవితంలో ఒక్కసారే వస్తాయి!. నాకు ఛాన్స్ ఇచ్చినందుకు ధన్యవాదాలు చిరంజీవి సర్. నాపై మీకున్న నమ్మకం.. మీ పట్ల నాకున్న అభిమానం నన్ను నా శక్తి మేరకు పని చేసేలా చేస్తుంది. దీన్ని బ్యాంక్రోల్ చేసినందుకు డీవీవీ ఎంటర్టైన్మెంట్స్ మరియు డా. మాధవి రాజు గారికి ధన్యవాదాలు! #MegaStarWithMegaFan'' అని వెంకీ ట్విట్టర్ వేదికగా తన సంతోషాన్ని వ్యక్తం చేశారు.
ఇకపోతే చిరంజీవి యువ హీరోలకు పోటీగా వరుస సినిమాలు ప్రకటిస్తూ అందరినీ ఆశ్చర్యానికి గురిచేస్తున్నారు. కొరటాల శివ దర్శకత్వంలో తనయుడు రామ్ చరణ్ తో కలిసి చిరు నటించిన ‘ఆచార్య’ చిత్రం ప్రస్తుతం పోస్ట్ ప్రొడక్షన్ కార్యక్రమాలు జరుపుకుంటోంది. 2022 ఫిబ్రవరి 4న ఈ సినిమా విడుదల కానుంది.
అలానే మోహన్ రాజా డైరెక్షన్ లో ‘గాడ్ ఫాదర్’ - మెహర్ రమేశ్ తో ‘భోళా శంకర్’ - కె.ఎస్. రవీంద్ర (బాబీ) దర్శకత్వంలో 'Chiru154' సినిమాలు చేస్తున్నారు చిరంజీవి. ఇలా నాలుగు చిత్రాలను ఒకేసారి సెట్స్ మీదకు తీసుకొచ్చిన చిరు.. ఇప్పుడు వెంకీ కుడుములతో కొత్త ప్రాజెక్ట్ ని అనౌన్స్ చేసి మెగా ఫ్యాన్స్ ని ఉక్కిరిబిక్కిరి చేశారని చెప్పాలి. ఈ సినిమా షూటింగ్ వచ్చే ఏడాది ప్రారంభం కానుంది.
