#చిరు లీక్స్ వెన‌క అంత క‌థ ఉందా బాసూ?

మ‌స్ లో బాస్ మెగాస్టార్ చిరంజీవి 'వాల్తేరు వీరయ్య'తో ప్ర‌పంచ‌వ్యాప్తంగా ఉన్న అభిమానుల‌ను ప్రేక్షకులను అలరించడానికి సిద్ధంగా ఉన్నాడు. బాబీ కొల్లి దర్శకత్వం వహించిన ఈ చిత్రం శనివారం (13 జ‌న‌వ‌రి) థియేటర్లలో విడుదల కానుంది.

తాజాగా ఓ ఇంటర్వ్యూలో ఆయన తన సినిమా కోసం చేసిన లీకుల గురించి ప్రశ్నించారు. #చిరు లీక్స్ వెన‌క అస‌లు క‌థ‌ను రివీల్ చేశారు. ఇదంతా కేవలం వ్యూహం మాత్రమేనని మెగా స్టార్ చెప్ప‌డం విస్మ‌యం క‌లిగించింది.

గాడ్ ఫాదర్- ఆచార్య వంటి తన సినిమాల గురించి చాలా విషయాలు లీక్ చేశాడు. అవ‌న్నీ వ్యూహం మాత్ర‌మే. చెప్పీ చెప్ప‌న‌ట్టు గిల్లే వ్యూహాన్ని అనుస‌రించారు చిరు. అలాగే వాల్తేరు వీర‌య్య ప్రీరిలీజ్ వేదిక‌పై దాచేద్దాం దాచేద్దాం! అంటూ మెగాస్టార్ బోలెడంత ఫ‌న్ ని క్రియేట్ చేశారు.

దాచేద్దాం అంటూనే బోలెడ‌న్ని లీకులిచ్చేశారు. అదంతా కూడా అభిమానుల్లో క్యూరియాసిటీ పెంచే వ్యూహం. నిజానికి వాల్తేరు వీరయ్య‌లో ప్ర‌కాష్ రాజ్ డ్యూయ‌ల్ షేడ్ పాత్ర గురించి కానీ.. ఇందులో కేథ‌రిన్ థ్రెసా.. బాబి సింహా లాంటి తార‌ల పాత్ర‌ల గురించి కానీ ఎక్కువ రివీల్ చేయ‌కుండా టీమ్ గుంబ‌న‌గా ఉండిపోయింది.

క‌నీసం ట్రైల‌ర్ లో సైతం ఆ ముగ్గురి పాత్ర‌ల‌ను ఎక్కువ‌గా చూపించ‌కుండా దాచేశారు. ఇదంతా టీమ్ వ్యూహ‌మ‌ని అర్థ‌మ‌వుతోంది. ప్రేక్ష‌కుల‌కు డైరెక్టుగా థియేట‌ర్ల‌లోనే ద‌మ్మేంటో చూపించాల‌న్న‌దే వీర‌య్య వ్యూహం అని అర్థ‌మ‌వుతోంది. ప్ర‌పంచ‌వ్యాప్తంగా వాల్తేరు వీర‌య్య ఈ శుక్ర‌వారం విడుద‌ల‌వుతోంది.

ఈ సినిమాలో శ్రుతి హాసన్ కథానాయికగా నటించ‌గా కేథ‌రిన్ - ఊర్వ‌శి రౌతేలా త‌దిత‌రులు న‌టించార‌ర‌. మైత్రీ మూవీ మేకర్స్ భారీ చిత్రాన్ని నిర్మించగా దేవి శ్రీ ప్రసాద్ సౌండ్ ట్రాక్ లను అందించారు. దేవీశ్రీ మాస్ బీట్స్ కి అభిమానుల్లో పూన‌కాలు క‌నిపిస్తున్నాయి. రేప‌టి నుంచి థియేట‌ర్ల‌లో పూన‌కాలే అంటూ టీమ్ ప్ర‌చారం హోరెత్తించింది. 'తుపాకి' ఫ‌స్ట్ రివ్యూ కోసం...వెయిట్ అండ్ వాచ్ దిస్ స్పేస్...



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.