ఊర్వశికి అందానికి పడిపోయిన చిరు..!

వాల్తేరు వీరయ్య సినిమాలో బాలీవుడ్ అందాల భామ ఊర్వశి రౌతెల ఒక స్పెషల్ సాంగ్ లో నటించింది. బాస్ పార్టీ సాంగ్ లో ఆమె అదరగొట్టేసింది. ఆ సాంగ్ లో ఊర్వశి అందాలకు మెగా ఫ్యాన్స్ ఫిదా అవుతున్నారు. థియేటర్ లో ఆ సాంగ్ దుమ్ము దులిపేస్తుందని అంటున్నారు.

ఇక అంత అందమైన సాంగ్ కి అంతే అందమైన ఊర్వశిని తీసుకోవడం బాగుందని అన్నారు చిరంజీవి. వాల్తేరు వీరయ్య ప్రెస్ మీట్ లో బాస్ పార్టీ సాంగ్ కి ఊర్వశిని తీసుకోవడం ఆ పాటకి ఆమె పూర్తి న్యాయం చేసిందని అన్నారు.

అంతేకాదు ఆమెకి అలా షేక్ హ్యాండ్ ఇచ్చిన చిరు చేయి అతుక్కుపోయిందని సరదాగా చేశారు. అంతేకాదు ఆమెని చూడగానే కొద్దిగా మత్తుగా మాట్లాడినట్టు చేశారు. హీరోయిన్స్ విషయంలో చిరు చేసే కామెడీ అందరికి తెలిసిందే. అదే సరదా సంభాషణ కూడా ఊర్వశి విషయంలో జరిగింది. ఇక సినిమాలో మరో హీరోయిన్ శృతి హాసన్ కూడా నటించింది. సినిమా కోసం ఆమె మైనస్ డిగ్రీల చలిలో చాలా కష్టపడిందని అన్నారు.

వాల్తేరు వీరయ్య సినిమాకు పని చేసిన వారంతా కూడా సినిమా మీద చాలా ఇష్టంతో చేశారని అన్నారు చిరంజీవి. ఈ సినిమా విషయంలో తను చాలా నమ్మకంగా ఉన్నానని.. తప్పకుండా సంక్రాంతికి హిట్ కొడుతున్నాం అని బలంగా చెప్పారు చిరంజీవి.

దేవి శ్రీ ప్రసాద్ మ్యూజిక్ కూడా సినిమాకు మరో హైలెట్ అని అన్నారు. సినిమాలో అన్ని చక్కగా కుదిరాయని అభిమానులకు, ప్రేక్షకులకు ఈ సినిమా మంచి ఫీస్ట్ ఇస్తుందని అన్నారు.

చిరు నుంచి చివరగా వచ్చిన రెండు సినిమాలు ఆచార్య, గాడ్ ఫాదర్ రెండు నిరాశపరిచాయి. ఈ సినిమా అయినా ఆశించిన స్థాయిలో సక్సెస్ అవుతుందా లేదా అన్నది చూడాలి. వాల్తేరు వీరయ్యకి పోటీగా బాలయ్య వీర సింహా రెడ్డి, విజయ్ వారసుడు సినిమాలు వస్తున్నాయి. సంక్రాంతి రారాజుగా ఈసారి ఏ సినిమా నిలుస్తుందో చూడాలి.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.