మహేష్ సినిమాలో మెగా బావ బావామరుదులు

బంధుత్వం కన్నా ఎక్కువగా స్నేహాన్ని కొనసాగించే అరుదైన వ్యక్తులుగా మెగాస్టార్ చిరంజీవి అల్లు అరవింద్ లు పరిశ్రమలోనే కాదు అభిమానుల్లోనూ ప్రత్యేకమైన గుర్తింపు ఉంది. భార్య సోదరుడిగా కన్నా మంచి ఫ్రెండ్ గానే అల్లు అరవింద్ ఇష్టమని చిరు చెప్పిన సందర్భాలు ఎన్నో ఉన్నాయి. చిరు మెగాస్టార్ గా ఎదిగే క్రమంలో అల్లు అరవింద్ తీసిన సినిమాలు ఎంచుకున్న కథల ప్రాధాన్యం ఎంతో ఉంది. ఈ మధ్య ఇతరత్రా పనుల ఒత్తిడి వల్ల ఎక్కువగా కలిసి తిరగలేకపోతున్నారు. ఈ నేపధ్యంలో బావ బావామరుదులు ఇద్దరికీ చాలా రోజుల తర్వాత కాస్త ఫ్రీ టైం దొరికింది.

ఇంకేముంది సరదాగా గచ్చిబౌలిలో ఉన్న మహేష్ బాబు సూపర్ ప్లెక్స్ కి వెళ్లి సినిమా చూసేసారు. ప్రత్యేక అతిధులు రావడంతో ఉబ్బితబ్బిబ్బు అయిపోయిన యాజమాన్యం ప్రత్యేకంగా ఫోటోలు తీసి సోషల్ మీడియాలో షేర్ చేసి చూడండి మా థియేటర్ కు ఎవరు వచ్చారో అంటూ ఆనందం వ్యక్తం చేసింది. ఇంతకీ ఈ ఇద్దరు చూసిన సినిమా ఏదో చెప్పలేదు కాని ఎఫ్2 అయ్యే అవకాశాలు ఎక్కువగా ఉన్నాయి. వినయ విధేయ రామ ఆల్రెడీ చిరు చూసాడు సో తమ్ముడి కొడుకు సినిమా బాక్స్ ఆఫీస్ వద్ద దుమ్ము దులుపుతోంది కాబట్టి సహజంగానే దీనికే ఓటు వేసి ఉంటారు.

చిరు బ్రేక్ టైం లో లాంజ్ లోకి రాలేదు కాని అల్లు అరవింద్ మాత్రం బయటికి వచ్చి కొందరు అభిమానులతో ఫోటోలు కూడా దిగేసారు. లోపల చిరు కూడా ఉన్నారని తెలిస్తే పరిస్థితి ఎలా ఉంటుందో చెప్పాలా. అందుకే ఇదంతా సైలెంట్ గా కానిన్చేసారు. ఎఎంబి సినిమా యంబియన్స్ కి చిరుకి బాగా ఇంప్రెస్ అయ్యారట. ఎలాగూ అల్లు అర్జున్ కూడా ఇదే బిజినెస్ మీద కన్నేసాడని గత కొంత కాలంగా వార్తలు వస్తున్నాయి. మరి చిరు అరవింద్ లు దీన్నో మోడల్ గా తీసుకుంటారేమో.