చిరు.. చెర్రీ.. పక్కపక్కనే రచ్చ

టాలీవుడ్ లో మెగా పండుగలు వరుసగా వచ్చేస్తున్నాయి. డిసెంబర్ ప్రారంభం నుంచి ఇప్పటివరకూ ఎక్కడా మెగా ఫ్యాన్స్ కనీసం చిన్న గ్యాప్ కూడా ఇవ్వకుండా మెగా హీరోలు హంగామా చేసేస్తున్నారు.

ధృవ ప్రీ రిలీజ్ ఫంక్షన్ నుంచి మొదలుపెడితే.. చెర్రీ ఇంటర్వ్యూలు.. ధృవ రిలీజ్.. మెగాస్టార్ ఖైదీ నంబర్ 150 టీజర్ రిలీజ్.. అమ్మడు లెట్స్ డు కుమ్ముడు సింగిల్ రిలీజ్.. రీసెంట్ గా ఆ పాటకు మేకింగ్ వీడియో.. ఇలా వరుసగా మెగా పండుగలు వస్తూనే ఉన్నాయి. ఇలా చిరంజీవి.. రామ్ చరణ్ ల సినిమాలు ఒకేసారి హంగామా చేస్తుండడంతో.. రోడ్లపై కూడా ఆ హంగామా కనిపిస్తుంది. ఇటు మెగాపవర్ స్టార్ మూవీ ధృవ.. అటు చిరంజీవి ఖైదీ నెంబర్ 150లకు సంబంధించిన పోస్టర్లు.. పక్కపక్కనే దర్శనం ఇస్తున్నాయి. సహజంగా మెగా హీరోలు గ్యాప్ చూసుకుని సినిమాలు ఇస్తుంటారు.

కానీ ఈసారి పట్టుమని నాలుగు వారాలు కూడా గ్యాప్ కూడా లేకుండా ధృవ.. ఖైదీ నంబర్ 150లు వస్తుండడంతో.. ఒకేసారి తండ్రీ కొడుకుల పోస్టర్లు దర్శనమిస్తున్నాయి. ఇప్పటికే ధృవకు బ్లాక్ బస్టర్ టాక్ రావడం.. మరోవైపు ఖైదీకి అంతకుమించిన బజ్ ఉండడంతో.. మెగా ఫ్యాన్స్ తెగ సంతోషంగా ఉంటే.. టాలీవుడ్ లో మెగా రచ్చ పీక్ స్టేజ్ కి చేరిపోయిందని ఇండస్ట్రీ జనాలు మాట్లాడుకుంటున్నారు.

Like Us on Facebook : https://www.facebook.com/Tupakidotcom/