ఉయ్యాలవాడకు ఫైనల్ స్క్రిప్ట్ రెడీ

ఖైదీ నంబర్ 150తో ఇండస్ట్రీ సెకండ్ బిగ్గెస్ట్ హిట్ అందుకున్న మెగాస్టార్ చిరంజీవి.. ఇప్పుడు తన 151వ సినిమాకి రెడీ అయిపోతున్నారు. ధృవ టైమ్ లోనే తన తర్వాతి సినిమా చిరంజీవితో చేయబోతున్నట్లు సురేందర్ రెడ్డి చెప్పాడు కానీ.. అప్పట్లో ఇది పబ్లిసిటీ స్టంట్ అనుకున్నారంతా. కానీ మెగా151ని చేజిక్కించుకుని అందరికీ షాక్ ఇచ్చిన సూరి.. ఇప్పుడు ఉయ్యాలవాడ నరసింహారెడ్డికి ఫైనల్ స్క్రిప్ట్ ను సిద్ధం చేశాడట.

కొన్ని గంటల క్రితమే మెగాస్టార్ ను కలిసి.. తనకు ఇచ్చిన స్క్రిప్ట్ ని.. తను చేసిన మార్పులను.. చేసిన అప్‌ డేట్స్ ను అన్నిటినీ డీటైల్డ్ గా వివరించాడట. సూరి చేసిన మార్పులకు ముగ్ధుడైన మెగాస్టార్.. ఇదే స్క్రిప్ట్ ను లాక్ చేసేసుకోమని చెప్పారని తెలుస్తోంది. ఇప్పుడు స్క్రిప్ట్ ఫైనల్ అయిపోయింది కాబట్టి.. ఇక ప్రీ ప్రొడక్షన్ పనులు ప్రారంభించేయమని కూడా చెప్పారట చిరు. అయితే.. స్క్రిప్ట్ దశలోనే క్యాస్టింగ్ విషయంలో సురేందర్ రెడ్డి ఓ డెసిషన్ కు వచ్చేశాడని తెలుస్తోంది.

ఆయా పాత్రలకు తాను అనుకున్న నటుల గురించి.. హీరో చిరంజీవి.. నిర్మాత రామ్ చరణ్ లతో కలిపి చర్చించనున్నాడని తెలుస్తోంది. మొదటి ప్రపంచ యుద్ధానికి పదేళ్లకు ముందే దేశం కోసం ప్రాణం అర్పించిన స్వాతంత్ర్య సమర యోధుడి జీవిత చరిత్రే ఈ ఉయ్యాలవాడ నరసింహారెడ్డి.



Like Us on Facebook : https://www.facebook.com/Tupakidotcom/