'ఆచార్య' హడావిడి చేస్తుంటే.. 'నారప్ప' సైలెంటుగా ఉన్నాడేంటి..!

మెగాస్టార్ చిరంజీవి - విక్టరీ వెంకటేష్ ప్రస్తుతం నటిస్తున్న సినిమాల విడుదల తేదీలను ప్రకటించడంతో ఇద్దరి మధ్య ఆసక్తికరమైన పోటీ నెలకొనే పరిస్థితి వచ్చింది. శ్రీకాంత్ అడ్డాల దర్శకత్వంలో వెంకటేష్ నటిస్తున్న యాక్షన్ థ్రిల్లర్ 'నారప్ప' ని మే 14న విడుదల చేయనున్నట్లు అనౌన్స్ చేశారు. ఆ తర్వాత మెగాస్టార్ చిరంజీవి - కొరటాల శివ కాంబినేషన్ లో తెరకెక్కుతున్న 'ఆచార్య' చిత్రాన్ని మే 13న విడుదల చేయనున్నట్లు ప్రకటించారు. అయితే 'ఆచార్య' టీమ్ పాట‌ల‌ని, షూటింగ్ అప్ డేట్స్ అంటూ హ‌డావుడి చేస్తుంటే.. ఈ సినిమాకి పోటీగా వ‌స్తున్న 'నారప్ప' టీమ్ మాత్రం అస్స‌లు సౌండ్ చేయ‌డం లేదనే కామెంట్స్ వినిపిస్తున్నాయి.

వెంకటేష్ - ప్రియమణి ప్రధాన పాత్రలతో రూపొందుతున్న 'నారప్ప' నుంచి ఫస్ట్ లుక్ - టీజర్ మినహా ఇంకేం విడుద‌ల కాలేదు. 'ఆచార్య' అనుకున్న టైమ్ కి విడుద‌ల అయినా కాకపోయినా.. 'నార‌ప్ప' గ‌ట్టిగా ప్రమోషన్స్ చేయ‌క‌పోతే మాత్రం ఆడియెన్స్ ఎటెన్ష‌న్ తెచ్చుకోవ‌డం కష్టం. ఇప్పటికే 'నారప్ప' షూటింగ్ పూర్తి చేసిన వెంకటేష్ 'ఎఫ్ 3' మరియు 'దృశ్యం' సినిమాల చిత్రీకరణలో పాల్గొంటున్నారు. దీంతో జ‌నాలంతా వెంక‌టేశ్ నెక్ట్స్ మూవీ 'దృశ్యం 2' అనుకుంటున్నారని.. ఈ మ‌ధ్య‌లో 'నారప్ప' అనే మరో సినిమా ఉందనే విష‌యం ఎవ‌రికి గుర్తు లేదని కామెంట్స్ వస్తున్నాయి. మరి సురేష్ ప్రొడక్షన్స్ - వి క్రియేషన్స్ వారు ఇప్పటి నుంచైనా ఏదైనా ప్రమోషనల్ కంటెంట్ వదిలి 'నారప్ప' చిత్రాన్ని గుర్తు చేస్తారేమో చూడాలి.