ఫోటో స్టోరి: కత్తిలాంటోడు.. ఖైదీ నెంబర్ 150

మెగాస్టార్ చిరంజీవి 150 సినిమా స్టార్ట్ అయిపోయింది. జైల్ సెట్ లో శరవేగంగా సన్నివేశాల చిత్రీకరణ జరుగుతోంది. మరి జైల్ లో ఉండే హీరో అంటే ఖైదీగానే ఉండాలి కదా. చిరంజీవికి ఖైదీ అన్న వర్డింగ్ కి చాలానే రిలేషన్ ఉంది. అసలు చిరుకు స్టార్ ఇమేజ్ తెచ్చిన సినిమానే ఖైదీ. ఆ తర్వాత ఖైదీ నెం 786 సృష్టించిన సంచలనాల సంగతి తెలిసిందే.

ఇప్పటివరకూ చిరంజీవి ఏదైనా సినిమాలో ఖైదీ కనిపించాల్సి వస్తే 786 నెంబర్ నే వేసేవారు. ఇప్పుడు కత్తిలాంటోడులో కూడా చిరంజీవి జైల్ నుంచి ఓ ఊరికి వెళ్లే పాత్ర ఉంటుంది. మరిక్కడ చిరుకు ఇచ్చిన ఖైదీ నెంబర్ ఆసక్తి కరంగా మారింది.150వ సినిమా అనేందుకు గుర్తుగా ఖైదీ నెం. 150ని సెట్ చేయడం ఆసక్తిగా ఉంది. ఇప్పటికే చిరు ఖైదీ గెటప్ లో కనిపించే ఫోటోలు కొన్ని ఆన్ లైన్ లో హల్ చల్ చేస్తున్నాయి.

వీలైనంత వరకూ చిరు సినిమాకి సంబంధించిన అప్ డేట్స్ ను వాళ్లే పోస్ట్ చేస్తుండగా.. చిరు 150వ సినిమాకి సంబంధించిన ప్రతీ న్యూస్ హాట్ టాపిప్ కాబట్టి.. ఫ్యాన్స్ మరింత ఉత్సాహంగా ఉన్నారు. కోలీవుడ్ కత్తికి రీమేక్ గా తెరకెక్కుతున్న ఈ చిత్రానికి కత్తిలాంటోడు టైటిల్ ను అనుకుంటున్నారు కానీ.. మరికొన్ని పేర్లు పరిశీలనలో ఉన్నట్లు తెలుస్తోంది.