వినయ విధేయ రామ కు చిరు టచ్

సంక్రాంతి సినిమాల హడావుడి నెమ్మదిగా మొదలయింది. చరణ్ - బోయపాటి శ్రీను కాంబినేషన్లో తెరకెక్కిన 'వినయ విధేయ రామ' ప్రీ రిలీజ్ ఈవెంట్ ను డిసెంబర్ 27 న యూసుఫ్ గూడ పోలీస్ గ్రౌండ్ లో జరిపేందుకు ఫిలిం మేకర్స్ ప్లాన్ చేశారు. ఇప్పటికే ఈ కార్యక్రమం కోసం ఏర్పాట్లు జరుగుతున్నాయట. ఈ ఈవెంట్ కు చీఫ్ గెస్ట్ గా మెగాస్టార్ చిరంజీవి హాజరవుతారని సమాచారం.

ఇదే రోజు 'వినయ విధేయ రామ' ఫుల్ ఆడియో తో పాటుగా ట్రైలర్ ను కూడా విడుదల చేసేందుకు ప్లాన్ చేస్తున్నారు. ఇప్పటికే టీజర్ ఈ సినిమా ఎలా ఉండబోతోందో హింట్ ఇచ్చేసింది. పక్కా మాస్ స్టైల్ లో 'రామ్ కొ..ణి..దె..ల' అంటూ డైలాగ్ చెప్పడం ఫ్యాన్స్ కు ఫుల్ గా కిక్కిచ్చింది. ఇప్పుడు ట్రైలర్ తో ఈ సినిమాపై క్రేజ్ మరింతగా పెరగడం ఖాయం. ఇదిలా ఉంటే బోయపాటి శ్రీనుతో నిర్మాతకు చరణ్ కు డిఫరెన్సులు ఉన్నాయని కూడా టాక్ వినిపిస్తోంది. ఒకసారి ఈ ప్రీరిలీజ్ ఈవెంట్ జరిగితే అలాంటి వార్తలకు ఫుల్ స్టాప్ పడుతుందేమో వేచి చూడాలి.

కియారా అద్వాని హీరోయిన్ గా నటిస్తున్న ఈ సినిమాలో ఆర్యన్ రాజేష్.. తమిళ హీరో ప్రశాంత్.. వివేక్ ఓబెరాయ్..స్నేహ కీలకపాత్రలలో నటిస్తున్నారు. దేవీ శ్రీప్రసాద్ ఈ సినిమాకు సంగీత దర్శకుడు.