సునీల్ అంటే చిరుకు ఎంతిష్టమో!!

మెగాస్టార్ చిరంజీవి సిినిమాలో ఆఫర్.. అది కూడా సినిమా అంతా చిరు పక్కన కనిపించే ఛాన్స్.. చిరు తర్వాత అత్యధిక స్క్రీన్ ప్రెజెన్స్ ఉండే రోల్.. ఇలాంటి పాత్రను ఇస్తే ఎవరైనా వద్దంటారా? సునీల్ మాత్రం చిరును కాదన్నాడు. చిరు సినిమాలో ఆఫర్ ని తిరస్కరించాడు. తన సినిమాలో తన పక్కన రోల్ చేయనని ఓ కమెడియన్ హీరో అంటే.. చిరు లాంటి స్థాయి ఉన్న మెగాస్టార్ ఎలా రియాక్ట్ కావాలి?

జస్ట్ ఆ పాత్రను వెన్నెల కిషోర్ కి ట్రాన్స్ ఫర్ చేశారంతే. తనపై విమర్శలను చిరంజీవి పక్కన స్టేజ్ పై డ్యాన్స్ వేసి తుడిచేసుకునే ప్రయత్నం చేశాడు సునీల్. అయితే.. ఇప్పుడు చిరంజీవి అవసరం సునీల్ కి వచ్చింది. తన లేటెస్ట్ మూవీ జక్కన్న ఆడియో రిలీజ్ ఫంక్షన్ కు చీఫ్ గెస్ట్ గా హాజరు కావాల్సిందిగా చిరంజీవిని ఆహ్వానించాడు ఈ కామెడీ హీరో. మరి తనతో నటించనన్న వ్యక్తి.. తన సాయం కోరితే మెగాస్టార్ రియాక్షన్ ఏంటో తెలుసా?

అవీ ఇవీ మనసులో పెట్టుకుని రియాక్ట్ అయితే.. ఆయన మెగాస్టార్ ఎందుకవుతారు? ఇలా సునీల్ అడగడం.. చిరు ఓకే చెప్పేయడం కూడా జరిగిపోయాయి. రేపు అంటే జూన్ 24న హైద్రాబాద్ లో జరగనున్న జక్కన్న ఆడియో లాంఛ్ కు చిరు వచ్చేస్తున్నారు. సునీల్ అంటే తనకు ఎంతిష్టమో ఎంత అభిమానమో సింపుల్ గా చేతల్లో చూపించేశారు మెగాస్టార్.