మెగాస్టార్ ఫ్రెండ్ కు బెస్ట్ గిఫ్ట్

నువ్వా నేనా అనే తరహాలో సాగిన ఎపి ఎన్నికలు ఫైనల్ గా వన్ సైడ్ వార్ గా మారిపోయి జగన్ మోహన్ రెడ్డిని ముఖ్యమంత్రిని చేశాయి కాని అటు కర్ణాటకలో మాత్రం లోక్ సభ స్థానాలకు చాలా టఫ్ ఫైట్ జరిగింది. ముఖ్యంగా దేశవ్యాప్త దృష్టిని ఆకర్షించిన మాండ్య నియోజకవర్గంలో సుమలత వెర్సెస్ నిఖిల్ గౌడ మధ్య పోరు యుద్ధరంగాన్ని తలపించింది.

లక్ష పైచిలుకు మెజారిటీతో గెలిచినా ఇది ప్రజలు తన దివంగత భర్త అంబరీష్ కు ఇచ్చిన ఘన నివాళిగా సుమలత పొంగిపోతున్నారు. ఈ గెలుపుకి మెగాస్టార్ కు కనెక్షన్ ఏమిటి అనుకుంటున్నారా. చిరంజీవికి అత్యంత సన్నిహితుల్లో సుమలత దంపతులు మొదటి వరసలో ఉంటారు. చిరుతో సుమలత పసివాడి ప్రాణం-వేట-స్వయంకృషి-రాక్షసుడు లాంటి ఎన్నో సినిమాల్లో స్క్రీన్ షేర్ చేసుకున్నారు

ఆ తర్వాత అంబరీష్ తో సైతం మెగాస్టార్ కు మంచి బంధం ఏర్పడింది. ఈ ముగ్గురు కలిసి శ్రిమంజునాధలో నటించి తమ బాండింగ్ ని చాటారు. ఇప్పుడు సుమలత గెలవడం కన్నా గుడ్ న్యూస్ చిరుకు ఇంకేముంటుంది. కేజిఎఫ్ హీరో యష్ తో పాటు మరో స్టార్ దర్శన్ దగ్గరుండి సుమలత కోసం ప్రచారం చేయడం కలిసి వచ్చింది.

52 ఏళ్ళ తర్వాత కర్ణాటకలో గెలిచిన లేడీ ఇండిపెండెంట్ ఎంపి క్యాండిడేట్ గా సుమలత మరో రికార్డు సొంతం చేసుకున్నారు. స్థానిక పార్టీల ప్రాబల్యం ఎక్కువగా ఉండే శాండల్ వుడ్ లో ఇలా ఏ పార్టీ మద్దతు లేకుండా సుమలత గెలవడం విశేషమేగా. ఈ సందర్భంగా చిరు ప్రత్యేకంగా ఫోన్ చేసి మరీ సుమలతను అభినందించినట్టు తెలిసింది. త్వరలో వ్యక్తిగతంగా కలిసి విష్ చేసే అవకాశం ఉందని మెగా కాంపౌండ్ న్యూస్