చిరంజీవికి అరుదైన బర్త్‌ డే కానుక

మెగా స్టార్‌ చిరంజీవి పుట్టిన రోజు సందర్బంగా అభిమానులు ఎన్నో రకాలుగా ఆయన దృష్టిని ఆకర్షించేందుకు తమదైన శైలిలో విభిన్నంగా పుట్టిన రోజు శుభాకాంక్షలు తెలియజేశారు. అభిమానులు తమ అభిమానంను చాటుకునేందుకు రకరకాలుగా ప్రయత్నాలు చేశారు. తమిళనాడుకు చెందిన ప్రియాంక మరియు ఆనంద్‌ లు కలిసి 955 రూబిక్‌ క్యూబ్స్ తో 6.5 అడుగులతో చిరంజీవి ఫొటోను తయారు చేశారు. క్యూబ్స్ తో చిరంజీవి ఫొటోను తయారు చేసిన వీడియోను షేర్‌ చేసిన వారు వైరల్‌ అయ్యారు. ఇలాంటి అరుదైన కానుక ఇచ్చినందుకు మెగా ఫ్యాన్స్ అంతా కూడా వారికి కృతజ్ఞతలు చెబుతున్నారు.

955 రూబిక్ క్యూబ్స్ ను ఉపయోగించి చిరంజీవి ని అచ్చు గుద్దినట్లుగా చూపించిన వీరిద్దరి యొక్క ప్రతిభకు అంతా కూడా ఫిదా అవుతున్నారు. ఇంతగా క్యూబ్స్ తో చిరంజీవి ఫొటోను తయారు చేయడానికి వీరు పడ్డ కృషి మరియు కష్టంకు అంతా ఫిదా అవుతున్నారు. తెలుగు సినిమా ఇండస్ట్రీకి చెందిన పలువురు పీఆర్స్ తో పాటు మెగా అభిమానులు ఇంకా మెగా ఫ్యామిలీకి చెందిన వారు ఈ వీడియోను షేర్‌ చేసి వారికి అభినందనలు తెలియజేశారు. చిరంజీవి పై వారికి ఉన్న అభిమానంకు అంతా కూడా హ్యాట్సాఫ్ చెబుతున్నారు.

చిరంజీవి పుట్టిన రోజు సందర్బంగా తమిళనాడులోనే కాకుండా దేశ విదేశాల్లో ఎన్నో కార్యక్రమాలు జరిగాయి. అద్బుతమైన వేడుకలు నిర్వహించిన అభిమానులు చాలా స్పెషల్ గా ఉండేందుకు పలు చోట్ల సేవా కార్యక్రమాలు నిర్వహించగా పలు చోట్ల వినోదాత్మక కార్యక్రమాలు నిర్వహించారు. మొత్తానికి చిరంజీవి పుట్టిన రోజు సందర్బంగా ప్రపంచ వ్యాప్తంగా ఉన్న ఆయన అభిమానులు నెట్టింట తెగ హడావుడి చేసి అందరిలోకి మెగా స్టార్‌ స్పెషల్‌ అన్నట్లుగా నిలిపారు.