చిరు పై చ‌ర‌ణ్ ట్వీట్ వైర‌ల్‌!

మెగాస్టార్ చిరంజీవి పుట్టిన రోజు వేడుక‌లు సోమ‌వారం ఘ‌నంగా జ‌రుగుతున్నాయి. ఈ రోజు ఉద‌యం నుంచి సెల‌బ్రిటీలు, ఫ్యాన్స్, పొలిటిక‌ల్ లీడ‌ర్స్ చిరుపై శుభాకాంక్ష‌ల వ‌ర్షం కురిపిస్తున్నారు. హీరో అల్లు అర్జున్ ఎలా ట్వీట్ చేస్తాడా? మ‌ఎగా ఫ్యాన్స్‌, అల్లు ఫ్యాన్స్ ఆస‌క్తిగా ఎదురుచూశారు.

అంతా ఊహించిన‌ట్టే బ‌న్నీ మేనీ మెనీ రిట‌ర్న్స్ ఆఫ్ ద డే టు అవ‌ర్ వ‌న్ అండ్ ఓన్లీ మెగాస్టార్‌` అంటూ ట్వీట్ చేసి దానికి #HBDMegastarChiranjeevi హ్యాష్ ట్యాగ్ ని జ‌త చేశాడు. ఈ నేప‌థ్యంలో అంద‌రి దృష్టి మెగా ప‌వ‌ర్ స్టార్ రామ్ చ‌ర‌ణ్ ట్వీట్ పై ప‌డింది.

చ‌ర‌ణ్ ఫాద‌ర్ చిరుకు ఎలా పుట్టిన రోజు శుభాకాంక్ష‌లు చెప్ప‌బోతున్నారా? అని మెగా ఫ్యాన్స్ ఆస‌క్తిగా ఎదురుచూశారు. వైట్ అంట్ వైట్ లో తండ్రి చిరుతో క‌లిసి చిరున‌వ్వులు చిందిస్తున్న ఓ ఫొటోని సోష‌ల్ మీడియా ట్విట్ట‌ర్ లో షేర్ చేసిన రామ్ చ‌ర‌ణ్ దానికి ఆస‌క్తిక‌ర‌మైన క్యాప్ష‌న్ ని జ‌త చేశాడు. వ‌ర‌ల్డ్ బెస్ట్ డాడ్‌..హ్యాపీయెస్ట్ బ‌ర్త్ డే అంటూ ట్వీట్ చేశాడు. ప్ర‌స్తుతం ఈ ట్వీట్ నెట్టింట వైర‌ల్ గా మారింది. చిరు జ‌రుపుకుంటున్న 67వ బ‌ర్త్ డే ఇది.

హైద‌రాబాద్ ఔట్ స్క‌ర్ట్స్ లో వున్న ఫామ్ హౌస్ లో చిరు బర్త్ డే పార్టీని ఫ్యామిలీ మెంబ‌ర్స్‌, అత్యంత స‌న్నిహితులు, ఫ్రెండ్స్ మధ్య జ‌రుపుకుంటున్నారు.

బ‌ర్త్ డేలో పాల్గొన్న సంద‌ర్భంగా తండ్రితో పంచుకున్న ఓ ఫొటోని అభిమానుల‌తో పంచుకున్న రామ్ చ‌ర‌ణ్ ఆస‌క్తిక‌రంగా ట్వీట్ చేయ‌డం విశేషం. ఈ ఏడాది చిరు, చ‌ర‌ణ్ ఇద్ద‌రు క‌లిసి తొలిసారి `ఆచార్య‌` మూవీతో ప్రేక్ష‌కుల ముందుకొచ్చిన విష‌యం తెలిసిందే.

ఇదిలా వుంటే ఈ రోజు ఉద‌యం నుంచి సినీ ప్ర‌ముఖులు, రాజ‌కీయ నాయ‌కులు చిరుకు సోస‌ల్ మీడియా వేదిక‌గా పుట్టిన రోజు శుభాకాంక్ష‌లు తెలియ‌జేస్తూ ట్విట్ల వ‌ర్షం కురిపిస్తున్నారు. తెలంగాణ గ‌వ‌ర్న‌ర్ త‌మిళిసై సౌంద‌ర‌రాజ‌న్‌, సినిమాటోగ్ర‌ఫీ శాఖ మంత్రి త‌ల‌సాని శ్రీ‌నివాస‌యాద‌వ్‌, మ‌మ్ముట్టి, ఏపీ మంత్రి రోజా, శ్రీ‌కాంత్‌, కె. రాఘ‌వేంద్ర‌రావు, మ‌హేష్ బాబు, నాగార్జున‌, విజ‌య్ దేవ‌ర‌కొండ‌, దుల్క‌ర్ స‌ల్మాన్ వంటి త‌దిత‌రులు ట్విట్ట‌ర్ వేదిక‌గా చిరుకు పుట్టిన రోజు శుభాకాంక్ష‌లు అంద‌జేశారు.