సస్పెన్సుకి తెర: చిరు 150 కన్ఫమ్

హీరోగా చిరంజీవి రీఎంట్రీ సినిమా విషయంలో ఏళ్లుగా సాగుతున్న సస్పెన్సుకి ఎట్టకేలకు తెరపడింది. ‘బ్రూస్ లీ’లో క్యామియో రోల్ చేయనున్న చిరు.. దీని తర్వాత చేసే పూర్తి స్థాయి సినిమా విషయంలో క్లారిటీ వచ్చేసింది. కొన్ని రోజులుగా ప్రచారం జరుగుతున్నట్లే తమిళ బ్లాక్ బస్టర్ ‘కత్తి’ రీమేక్ లో నటించబోతున్నాడు మెగాస్టార్. చాలా కథలు విన్నా.. ఏదీ భరో ఇవ్వకపోవడంతో చివరికి ‘కత్తి’ రీమేక్ కే ఓకే చేశారు.

ఇటీవలే రామ్ చరణ్ ఫ్యాన్సీ రేటు ఇచ్చి ‘కత్తి’ రీమేక్ రైట్స్ కూడా తీసుకున్నాడు.ఇంతకీ ఈ సినిమాకు దర్శకత్వం వహించేదెవరన్నది ఆసక్తికర ప్రశ్న. ఈ ప్రశ్నకూ సమాధానం లభించింది. ఇంతకుముందు చిరంజీవితో ‘ఠాగూర్’ లాంటి బ్లాక్ బస్టర్ తీసిన వి.వి.వినాయకే ఈ చిత్రానికి దర్శకుడు. ‘చిరు 150’కి ఇంతకుముందే వినాయక్ ను ట్రై చేశారు. కానీ ఆయన తయారు చేయించిన కథ చిరంజీవికి నచ్చలేదు.

ఈ లోపు అఖిల్ ను లాంచ్ చేయాల్సిన బాధ్యత వినాయక్ పై పడింది. ఐతే ఇప్పుడా సినిమా పూర్తి చేసి ఖాళీ అయిపోతున్నాడు వినాయక్. వచ్చే నెలలోనే ‘కత్తి’ రీమేక్ పట్టాలెక్కనుంది. ‘కత్తి’ ఒరిజినల్ కు మురుగదాస్ దర్శకుడన్న సంగతి తెలిసిందే. ‘ఠాగూర్’ ఒరిజినల్ డైరెక్టర్ కూడా అతనే. ఆ సెంటిమెంటును కూడా దృష్టిలో పెట్టుకుని ‘కత్తి’ రీమేక్ కు ఓకే చెప్పేశాడు చిరు.