చిన్న క్లిప్‌ వ‌ల‌న బ్రూస్‌ లీకి న‌ష్ట‌మే

మెగా ప‌వ‌ర్‌ స్టార్ రామ్‌ చ‌రణ్ న‌టించిన బ్రూస్‌ లీ చిత్రానికి రెండు విష‌యాలు బాగా క‌లిసొచ్చాయి. ఈ ద‌స‌రా సెల‌వులతో పాటు చిరు ఎంట్రీ బాగా క‌లిసొచ్చింద‌ని విశ్లేషిస్తున్నారు క్రిటిక్స్‌. మెగాస్టార్ చిరంజీవి చాలా గ్యాప్ త‌ర్వాత తిరిగి బ్రూస్‌ లీ సినిమాతో ఎంట్రీ ఇచ్చారు. మెగా ఎంట్రీ ని మెగాభిమానులు ఘ‌నంగా రిసీవ్ చేసుకున్నారు. అందుకే బ్రూస్ లీ వ‌సూళ్ల‌కు అది పెద్ద ప్ల‌స్ అయ్యింద‌ని విశ్లేషిస్తున్నారు.

థియేట‌ర్ల‌లో మెగాస్టార్ ఎంట్రీని కొంద‌రు ఔత్సాహిక అభిమానులు మొబైల్ ఫోన్స్‌ లో రికార్డ్ చేసి ఆన్‌ లైన్‌ లో పోస్ట్ చేశారు. ఇది ఇంట‌ర్నెట్‌ లో బోలెడంత హ‌ల్‌ చ‌ల్ చేస్తోంది. అయితే ఇటీవ‌లి కాలంలో పైర‌సీ పెద్ద స‌మ‌స్య అయిపోయింది. ఇలాంటి అప్‌ లోడ్స్ వ‌ల్ల థియేట‌ర్ల వ‌ర‌కూ జ‌నాలు రాని ప‌రిస్థితి. అందుకే ఆ వీడియోని తొల‌గించేందుకు ద‌ర్శ‌క‌నిర్మాత‌లు సీరియ‌స్‌ గా ప్ర‌య‌త్నిస్తున్నార‌ని టాక్‌.

పైర‌సీలో పూర్తి సినిమా అందుబాటులోకి రాకపోయినా.. మెగాస్టార్‌ క్లిప్‌ ఒకటే ఇలా దర్శనమిచ్చినా అది బ్రూస్‌ లీ పెద్ద దెబ్బే. అసలే సినిమాలో అన్నింటికంటే మెగా స్టార్‌ కామియో ఒక్కటే ఇంట్రెస్టింగ్‌ థింగ్‌ అనే టాక్‌ వచ్చేసిన దరిమిళా.. ఈ మెగా క్లిప్‌ వలన బ్రూస్‌ లీ కి భారీ నష్టమే కలిగే ఛాన్సుంది.