ఫోకస్‌ మార్చేసిన మెగాస్టార్‌

మెగాస్టార్ చిరంజీవి నటించబోయే 150వ సినిమా గురించి చాలా రోజులుగా చర్చలు జరుగుతూనే ఉన్నాయి. ఏ మూవీ చేయాలి, ఎవరి డైరెక్షన్ లో చేయాలనే అంశంపై ఓ క్లారిటీ వచ్చేసినా.. పలు కారణాలతో ఈ ప్రాజెక్ట్ వాయిదా పడతూ వస్తోంది. మొదట చిరంజీవి తన భుజానికి ఆపరేషన్ చేయించుకున్నారు. ఆ తర్వాత చిన్న కూతురు శ్రీజ పెళ్లి పనుల్లో పడిపోయారు.

రీసెంట్ గా మార్చ్31న కూతురు పెళ్లి రిసెప్షన్ కూడా అయిపోవడంతో ఇక తన దృష్టిని 150 పైనే పెట్టనున్నారు. కుటుంబ-వ్యక్తిగత కార్యక్రమాలన్నీ పూర్తయిపోవడంతో.. ఇక కత్తికి పదును పెట్టే పనిలో పడ్డారు చిరు. ఇప్పటికే ఈ మూవీ కోసం దర్శకుడు వివి వినాయక్ స్క్రిప్ట్ పనులు కూడా చక్కబెట్టేశాడు. ఇప్పుడు దీన్ని ఫైనలైజ్ చేసే పనిలో పడ్డారు మెగాస్టార్.

తమిళ కత్తికి - తెలుగులో మెగాస్టార్ చేయబోయే రీమేక్ కి చాలా వేరియేషన్ ఉంటుందని తెలుస్తోంది. చిరు ఇమేజ్ కు తగ్గట్లుగా వినాయక్ పలు కీలక మార్పులు చేయగా.. ఇప్పుడు వీటిని ఫైనలైజ్ చేసే పనిలోనే ఉన్నారు చిరు. ఇక ఇతర నటీనటులు, టెక్నీషియన్లు, షూటింగ్ షెడ్యూల్స్ ప్లానింగ్ చేసేస్తున్నట్లు సమాచారం. మొత్తానికి మెగాస్టార్ కత్తి పట్టడానికి రోజులు దగ్గరకొచ్చేశాయన్నామాట.