చిరు' బహుమానం పొందిన వైష్ణవ్‌

మెగా ఫ్యామిలీ నుండి హీరోగా ఉప్పెన సినిమా తో ప్రేక్షకుల ముందుకు ఎంట్రీ ఇచ్చిన వైష్ణవ్ తేజ్ మొదటి సినిమా తోనే యంగ్‌ స్టార్ హీరోల జాబితాలో చేరిపోయాడు. ప్రస్తుతం ఈయన చేతిలో రెండు మూడు సినిమాలు ఉన్నాయి. రెండవ సినిమా విడుదలకు సిద్దంగా ఉంది. ఒకే సారి ఇంత బిజీ అయిన మెగా హీరో వైష్ణవ్ తేజ్ మాత్రమే అనడంలో సందేహం లేదు. మెగా ఫ్యామిలీలో మాత్రమే కాకుండా ఇతర ఫ్యామిలీల నుండి వచ్చిన మరే హీరో అయినా ఇంత తక్కువ సమయంలో ఎక్కువ స్టార్‌ డంను దక్కించుకున్నదే లేదు. ఈమద్య వైష్ణవ్ తేజ్ పేరు మారు మ్రోగి పోతున్న నేపథ్యంలో తన అల్లుడిని అభినందించేందుకు చిరంజీవి స్వయంగా తన ఇంటికి పిలిపించుకున్నాడు.

మామ చిరంజీవిని ఆయన ఇంట్లో కలిసిన వైష్ణవ్‌ తేజ్‌ కు ప్రత్యేక బహుమానం లభించింది. ఖరీదైన రిస్ట్‌ వాచ్ ను వైష్ణవ్‌ తేజ్ కు చిరంజీవి బహుమానంగా ఇచ్చాడు. సినిమాలకు ఎంత పారితోషికం దక్కినా.. సినిమా ఎంత పెద్ద సక్సెస్‌ అయినా కూడా చిరంజీవి నుండి ఈ బహుమానం దక్కడంతో వైష్ణవ్‌ తేజ్ ఆనందంకు అవధులు లేకుండా పోయింది. మామ బహుమానం పట్ల వైష్ణవ్ ఫుల్ హ్యాపీగా ఉన్నట్లుగా ఆ కళ్లలోనే అర్థం అవుతుంది. ఈ ఫొటోను వైష్ణవ్ సోషల్ మీడియాలో షేర్‌ చేశాడు.

ఉప్పెన సినిమా నెల రోజులు కావస్తున్నా కూడా ఇంకా వీకెండ్స్ లో మంచి షేర్‌ ను రాబడుతోంది. వంద కోట్ల మార్క్‌ ను ఇటీవలే క్రాస్‌ చేసిన ఉప్పెన సినిమా కోసం శాటిలైట్ మరియు ఓటీటీ ప్లాట్ ఫామ్ లు వెయిట్‌ చేస్తున్నాయి. అక్కడ కూడా ఈ సినిమా ఖచ్చితంగా మరో కొత్త రికార్డులను నమోదు చేస్తాయని ఇండస్ట్రీ వర్గాల వారు అంటున్నారు. ఇక వైష్ణవ్ రెండవ సినిమా ఇప్పటికే క్రిష్‌ దర్శకత్వంలో పూర్తి అయ్యింది. ఏ క్షణంలో అయినా విడుదల తేదీని ప్రకటించే అవకాశం ఉంది.