చిరంజీవి గెట్టింగ్ రెడీ.. ఇదిగో సాక్ష్యం

మెగాస్టార్ చిరంజీవి 151వ సినిమాగా తెర‌కెక్కుతోంది సైరా. ఆ సినిమా కోసం ప్ర‌త్యేకంగా మీసం పెంచుకున్నాడు చిరు. ఉరికొయ్య‌ను వేలాడిన ఉయ్యాలవాడ న‌ర‌సింహారెడ్డి జీవిత క‌థ ఆధారంగా దీనిని నిర్మిస్తున్నారు. మిగ‌తా సినిమాల‌తో పోలిస్తే ఈ సినిమా షూటింగ్ కాస్త నెమ్మ‌దిగానే అవుతోంది. ఆ మ‌ధ్య‌న ఆ సినిమా ఆగిపోయింద‌న్న రూమ‌ర్స్ కూడా వ‌చ్చాయి. కార‌ణం చిరు మీసం - గ‌డ్డం తీసేయడమే.

అస‌లేమైందంటే... సైరా మొద‌టి షెడ్యూల్ షూటింగ్ పూర్త‌వ్వ‌డంతో మీసం, గ‌డ్డం తీసేశారు చిరు. ఆయ‌న‌ను అలా చూసిన సినీ జ‌నాలు... సైరా సినిమాకు ఏదో ఆటంకం వ‌చ్చింద‌ని - షూటింగ్ ఆగి పోయిందేమోన‌ని కంగారుప‌డ్డారు. ఆ కంగారులోంచే సైరా సినిమా ఇక ఆగిన‌ట్టేన‌న్నా రూమ‌ర్లు పుట్టుకొచ్చాయి. కానీ అలాంటిదేమీ లేదని స‌మాచారం. రెండో షెడ్యూల్ షూటింగ్ కు కాస్త స‌మ‌యం ఉండ‌డంతో ఇలా గ‌డ్డం - మీసం తీసి రిలీఫ్ అయ్యార‌ట చిరు. అంతేకాదు.. ఆ లుక్కులో చైనాలో వెళ్ళి ఒక విఎఫక్స్ కంపెనీకి తన ఫేస్ స్కాన్ ఇచ్చేసి వచ్చారు. ఇకపోతే వ‌రుణ్ తేజ్ సినిమా తొలిప్రేమ‌ను అభినందిస్తూ.. శుక్ర‌వారం ప్రెస్ మీట్‌ లో మాట్లాడారు. ఆ ప్రెస్ మీట్ లో ఆయ‌న లుక్ చూసిన వారికి ఒక క్లారిటీ వ‌చ్చేస్తుంది. చిరంజీవి మ‌ళ్లీ గ‌డ్డం - మీసం పెంచుతున్న‌ట్టు ఆయ‌న లుక్ ద్వారా అర్థ‌మైపోతోంది.

రెండో షెడ్యూల్ మొద‌ల‌య్యే స‌రికి మ‌ళ్లీ గడ్డాలు - మీసాలు చిరు పెంచేస్తున్నారు. క‌నుక సైరాకు ఎలాంటి ఆటంకం లేద‌ని, షూటింగ్ త్వ‌ర‌లో మ‌ళ్లీ మొద‌ల‌వుతుంద‌ని ఇప్ప‌టికైనా సినీజ‌నాల‌కు అర్థ‌మై ఉంటుంది.మెగా అభిమానులు కూడా చిరు లుక్ చూశాక ప్ర‌శాంతంగా ఉండి ఉంటారు.