మెగాస్టార్ రోల్స్ రాయిస్ ఆయనకు ఇచ్చేశారట

పరభాషా నటులు మన సినిమాల్లో నటిస్తే వారి క్యారెక్టర్ ఎలా ఉంటుందా అనే ఆలోచన అందరికి రావడం సహజమే. పైగా అంచనాలు కూడా బాగా పెరుగుతాయి. అందుకే ఆ పాత్ర బలంగా ఉంటేనే టెక్నీషియన్స్ వారితో స్పెషల్ క్యారెక్టర్స్ చేయిస్తారు. ప్రస్తుతం తెరకెక్కుతోన్న సైరా సినిమాలో కూడా అమితాబ్ బచ్చన్ క్యారెక్టర్ ఆ రేంజ్ లో ఉంటుందట. బాలీవుడ్ మెగాస్టార్ టాలీవుడ్ మెగాస్టార్ తో నటిస్తున్నాడు అంటే చిన్న విషయం కాదు.

పాత్ర కనిపించేది కొంతే అయినా సూపర్బ్ అనేలా ఉంటుందని చిత్ర యూనిట్ చెబుతోంది. అయితే ఇటీవల అమితాబ్ తన పాత్రకు సంబందించిన షూటింగ్ లో పాల్గొన్న సంగతి తెలిసిందే. అయితే అమితాబ్ బచ్చన్ ని చిరంజీవి స్పెషల్ గా రిసీవ్ చేసుకొని రెండు రోజులు ఆయన వెళ్లే వరకు చాలా జాగ్రత్తగా చూసుకున్నారని తెలుస్తోంది. అంతే కాకుండా ఆయనకు చేసిన మర్యాదలు గురించి తెలిస్తే వావ్ అనాల్సిందే.

చిరంజీవి తన రోల్స్ రాయిస్ కారును ఎప్పుడు ఎవ్వరికి ఇవ్వరు కాని.. అమితాబ్ కోసం రెండు రోజులు వాడుకొమ్మని ఇచ్చేశారట. హోటల్ నుంచి షూటింగ్ కు రావడం కోసమని రోల్స్ రాయిస్ ను చిరు ఎంతో ప్రేమగా ఇచ్చారట. అలాగే ఆయనకు ఎక్కడా కూడా ఇబ్బంది కలగకుండా ప్రత్యేక సెక్యూరిటీ విభాగాన్ని ఏర్పాటు చేశారు. ఇక షూటింగ్ సంబందించిన ఫొటోలు రీసెంట్ గా సోషల్ మీడియాలో వైరల్ అయినా సంగతి తెలిసిందే. గురువారం మెగా పవర్ స్టార్ పవన్ కళ్యాణ్ అమితాబ్ ని స్పెషల్ గా కలిసినట్లు సమాచారం.