రాములో రాములా' సాంగ్ కి స్టెప్పులేసిన మెగాస్టార్ మనవరాలు...!

ఈ ఏడాది ప్రారంభంలో మ్యూజిక్ డైరెక్టర్ తమన్ స్వరపరిచిన 'అల వైకుంఠపురంలో' ఆల్బమ్ ఎంత ఆదరణ పొందిందో అందరికి తెలిసిందే. ముఖ్యంగా ఈ సినిమాలోని 'సామజవరగమనా' 'రాములో రాములా' 'బుట్టబొమ్మా' సాంగ్స్ ఏ రేంజ్ లో అలరించాయో ప్రత్యేకంగా చెప్పాల్సిన అవసరం లేదు. ఈ పాటలు వచ్చి ఆరు నెలలు దాటిపోయినా వాటి సందడి మాత్రం ఆగడం లేదు. డబ్ స్మాష్ లతో టిక్ టాక్ వీడియోలతో ఇంకా వైరల్ అవుతూనే ఉన్నాయి. ఈ పాటలకి బాలీవుడ్ సెలబ్రిటీలు, క్రికెటర్స్ సైతం కాలు కదిపారంటే వాటి రీచ్ ఎంతలా ఉందో అర్థం చేసుకోవచ్చు. ఇప్పటికే 'రాములో రాములా' సాంగ్ పై వేల కొలది కవర్ సాంగ్స్ వచ్చి ఇంటర్నెట్ ని షేక్ చేసాయి. ఇప్పుడు లేటెస్టుగా మరో చిన్నారి 'రాములో రాములా' పాటకి చేతులూపి ఆక‌ట్టుకుంది. ఆ చిన్నారి ఎవ‌రో కాదు.. మెగాస్టార్ చిరంజీవి మ‌న‌వ‌రాలు న‌విష్క‌.

మెగా అల్లుడు కళ్యాణ్ దేవ్ - శ్రీజ ల కుమార్తె న‌విష్క‌ 'రాములో రాములా' సాంగ్ లో అల్లు అర్జున్‌ ని అనుకరిస్తూ అచ్చం అలానే రియాక్ట్ అయింది. చిన్నారి న‌విష్క వేసిన క్యూట్ స్టెప్పులు చూడ ముచ్చ‌ట‌గా అందరిని అలరిస్తున్నాయి. ఈ వీడియోను శ్రీజ తన ఇన్‌స్టాగ్రామ్‌ ద్వారా పోస్ట్ చేయడంతో నెట్టింట వైరల్ అయింది. మెగాస్టార్ మనవరాలు ఇలా అందరిని ఆశ్చర్యపరచడం ఇదేమీ మొదటిసారి కాదు. ఇంతకముందు కూడా చిరంజీవి మూవీ 'ఖైదీ నెం. 150'లోని 'మీమీ' సాంగ్ ని వింటూ ఆమె చేసిన అల్లరి వీడియో మెగాస్టార్ సోషల్ మీడియాలో షేర్ చేసారు. అంతేకాకుండా ఈ మధ్య తన చిట్టి చేతులతో ఇంటి ప్లోర్ ని క్లీన్ చేసిన క్యూట్ వీడియో వైరల్ అయిన సంగతి తెలిసిందే. ఈ చిన్నారి క్యూట్ వీడియోస్ ఎప్పటికప్పుడు శ్రీజ - కళ్యాణ్ దేవ్ దంపతులు సోషల్ మీడియాలో షేర్ చేస్తూ ఉంటారు.


వీడియో కోసం క్లిక్ చేయండి