ఫస్ట్ లుక్: ఖైది నెం 150.. దేవుడి లీల

ఇప్పుడు మెగాస్టార్ చిరంజీవి స్టిల్ చూస్తే మనకు అదే అర్ధమవుతుంది. ఎందుకంటే ఆయన అంతా ఆ పైవాడి లీల అంటూ ఇప్పుడు తన ఫస్ట్ లుక్ ను ఫస్ట్ టైమ్ ను చూపించేశారు. అవును.. చెప్పినట్లే ఈరోజు మెగాస్టార్ ''ఖైదీ నెం 150'' ఫస్ట్ లుక్ వచ్చింది.

ఇప్పటికే యంగ్ లుక్ తో వివిధ స్టిల్స్ లో యంగ్ హీరోలకు సైతం పోటీ ఇస్తున్న చిరంజీవి.. ఈసారి ఈ పోస్టర్ తో అదే పాయింట్ మళ్ళీ ప్రూవ్ చేశారు. ఎందుకంటే ఇప్పుడు చిరంజీవిని చూస్తుంటే.. అప్పుడెప్పుడో ఠాగూర్ శంకర్ దాదా సినిమాల్లో చిరంజీవిని చూస్తున్నట్లు ఉంది. అదే ఫామ్ తో ఈసారి ఆయన అంతా పైవాడి లీల అన్నట్లు అలా ఒక ఫోజు పెడితే అభిమానులకు పండగేగా మరి.

వివి వినాయక్ డైరక్షన్లో రూపొందుతున్న ''ఖైదీ నెం 150'' సినిమాను వచ్చే సంవత్సరం సంక్రాంతికి విడుదల చేయనున్నారు. అందుకే ఇంకా రెండు నెలల టైమ్ ఉందనగా ఇప్పటి నుండి ప్రమోషన్లు ఇలా మొదలెట్టేస్తున్నారు. ఇప్పటికే సినిమాకు 85+ కోట్ల రూపాయల బిజినెస్ కూడా అయిపోయిన సంగతి తెలిసిందే.

Like Us on Facebook : https://www.facebook.com/Tupakidotcom/