అబ్బా.. ఖైదీ అలాంటి ఫీట్ చేస్తోందా..

ఖైదీ నెం 150.. మెగాస్టార్ చిరంజీవి ఈ సినిమాతో అనుకున్నదానికంటే గ్రాండుగానే రీ ఎంట్రీ ఇచ్చేశారు. అసలు ఈ రీమేక్ సినిమా సరిగ్గా నిలబడుతుందంటారా అనే సందేహాలు ఉన్నోళ్ళందరికీ మైండ్ బ్లాంక్ అయ్యేలా రిజల్టు షాకిచ్చింది. ఏకంగా 100+ కోట్లు వసూలు చేసిన కమర్షియల్ సినిమాగా చరిత్ర పేజీల్లోకి పర్మనెంట్ మార్కర్ తో రాయించుకుని మరీ ఎక్కేసిందీ సినిమా.

ఇప్పుడు కొత్తగా వినిపిస్తున్న న్యూస్ ఏంటంటే.. ఖైదీ నెం 150 ఇప్పుడు 100 రోజుల ఫీటును జరుపుకోబోతోంది. ఇంకో రెండు వారాల్లో ఈ సినిమా శతదినోత్సవం జరుపుకోవడానికి ఛాన్సుంటుంది. జనవరి 11న రిలీజైన ఖైదీ.. 100 రోజుల ఫీటును.. ఏకంగా 50+ ధియేటర్లలో 100 రోజుల పండుగ చేసుకోవాలని అభిమానులు ఆశిస్తున్నారు.ఒకవేళ అప్పటివరకు ఏ సినిమా కూడా తన సత్తా ప్రూవ్ చేసుకోకుండా.. ధియేటర్లను ఖాళీగా వదిలేస్తే.. ఖచ్చితంగా 100 డేస్ 50 సెంటర్స్ ఫీట్ చేయిస్తాం అని మాటిచ్చారట నిర్మాతలు.

అసలే 100 కోట్లు కొల్లగొట్టిన సినిమా.. ఇప్పుడు 100 డేస్ ఫీట్ కూడా 50 సెంటర్స్ లో చేస్తే మాత్రం.. అది రికార్డే అవుతుంది. నిజానికి చెప్పాలంటే ఈ రికార్డు సెంటర్లలో సినిమాను ఆడించడం అనే ఫీటు చిరంజీవి అండ్ సమకాలికులు కాలంతోనే ముగిసింది. ఇప్పుడన్నీ రెండు వారాల సినిమాలే. అందుకే ఖైదీ తిరిగి చిరంజీవి పాత రోజులను గుర్తు చేస్తే.. ఫ్యాన్స్ అందరూ పండగ చేసుకోవాలని అనుకుంటున్నారు.

Like Us on Facebook : https://www.facebook.com/Tupakidotcom/