ఆ వెయింటింగ్ కాదు.. జస్ట్ వెయిటింగ్

మెగాస్టార్ చిరంజీవి నటించిన ఖైదీ నంబర్ 150 మూవీ టీజర్ నుంచి మొదలు పెట్టి.. ఇంకా సెన్సేషన్స్ సృష్టిస్తూనే ఉన్నారు. ముఖ్యంగా థియేట్రికల్ ట్రైలర్ లో చూపించిన లాస్ట్ షాట్.. ఇంట్రవెల్ సీన్ లో చిరు రౌద్రంగా చెప్పిన డైలాగ్.. 'వెయిటింగ్' సూపర్బ్ గా పేలింది. ఇప్పుడు అదే డైలాగ్ ను చిరు.. తన బుల్లితెర షో కోసం ఉపయోగించిన తీరు చూస్తే మైండ్ బ్లాంక్ అవాల్సిందే.

మీలో ఎవరు కోటీశ్వరుడు లేటెస్ట్ సీజన్ ని మెగాస్టార్ చిరంజీవి హోస్ట్ చేయనున్న సంగతి తెలిసిందే. ఇప్పుడా కార్యక్రమానికి లేటెస్ట్ ప్రోమో విడుదల చేశారు. 'హాట్ సీట్ లోకి ఎవరు రాబోతున్నారు.. నేను హాట్ సీట్.. వెయిటింగ్' అంటూ సీరియస్ గా డైలాగ్ చెప్పిన చిరంజీవి.. అంతలోనే తమాయించుకుని.. సింపుల్ గా 'వెయిటింగ్' అంటూ మాడ్యులేషన్ మార్చి డైలాగ్ చెప్పి.. 'ప్లీజ్ కమ్' అంటూ ప్రోమోను ఫినిష్ చేశారు. ఒకే డైలాగ్ ను.. అందులోనూ ఖైదీ నంబర్ 150లో విపరీతంగా పేలిన డైలాగ్ ను.. మీలో ఎవరు కోటీశ్వరుడు కోసం చిరు ఉపయోగించిన తీరు అద్భుతహ అనాల్సిందే.

మెగాస్టార్ ఈ టెలివిజన్ షో కోసం ఏ రేంజ్ లో ప్రిపేర్ అయ్యారో.. ఎలా హోస్ట్ చేయబోతున్నారో చెప్పేందుకు.. ఈ ప్రోమోను జస్ట్ ఎగ్జాంపుల్ గా తీసుకోవచ్చు. 15 సెకన్ల ప్రోమోలోనే ఈ రేంజ్ లో అలరిస్తే.. ఇక మొత్తం సీజన్ అంతా.. చిరు కుమ్ముడు మామూలుగా ఉండదన్న మాట.

Like Us on Facebook : https://www.facebook.com/Tupakidotcom/