ఏంటీ.. ఇంకా షూటింగ్ మొదలవలేదా ?

బ్రూస్ లీ ది ఫైటర్.. ఈ రామ్ చరణ్ మూవీని అక్టోబర్ 16న రిలీజ్ చేసేందుకు జెడ్ స్పీడ్ లో పనులు జరుగుతున్నాయి. అయితే ఈ సినిమాకి సంబంధించిన లేటెస్ట్ అప్ డేట్ ఒకటి తెలిసింది. బ్రూస్ లీ లో మెగాస్టార్ చిరంజీవి ఓ కీలకపాత్ర పోషించనున్నారన్న విషయం తెలిసింది. ఓ పాట - ఫైట్ తో కలిపి మొత్తం 15 నిమిషాలు చిరు కేరక్టర్ ఉండేలా జాగ్రత్త పడుతున్నాడు డైరెక్టర్ శ్రీను వైట్ల. ఈ పాత్ర కోసం సెప్టెంబర్ 12 నుంచి చిరు షూటింగ్ లో పాల్గొంటారని గతంలో వార్తలొచ్చాయి. అయితే ఇప్పటివరకూ ఈ కేరక్టర్ కి సంబంధించిన షూటింగ్ స్టార్ట్ కాలేదట.

ఈ నెల చివరివారంలో చిరు పై సన్నివేశాలు చిత్రీకరించబోతున్నారని తెలుస్తోంది. అంటే ఆడియో రిలీజ్ ఫంక్షన్ తర్వాత ఈ షూటింగ్ ఉంటుందనే విషయం అర్ధమవుతోంది. 15నిమిషాల సన్నివేశాలు, అందులోనూ ఓ పాట ఫైట్ కూడా ఉండాలి. వీటన్నిటినీ చిత్రీకరించి.. పోస్ట్ ప్రొడక్షన్ పనులు కంప్లీట్ చేసి.. సెన్సార్ కి పంపి.. రిలీజ్ చేయడానికి గట్టిగా 15 రోజుల సమయమే ఉంటుంది. ఇంత తక్కువ టైంలో పెద్ద స్టార్స్ తో ఇంత వర్క్ కంప్లీట్ చేయడం చాలా రిస్కీ వ్యవహారం. అయినా దీనికి సై అంటున్నాడు డైరెక్టర్. ఎలాగైనా సరే దసరాకి రిలీజ్ చేయాల్సిందే అనే పట్టుదలతో ఉన్నాడు రామ్ చరణ్. కానీ ఈ లేటెస్ట్ అప్ డేట్ చూస్తుంటే.. కాస్త కష్టమే అనిపిస్తోంది.

నిజానికి ఇప్పటికే షూటింగ్ మొదలుకావాల్సి ఉన్నా.. చిరు సాంగ్ కోసం మ్యూజిక్ డైరెక్టర్ తమన్.. కొత్త ట్రాక్ కంపోజ్ చేసే పనిలో పడ్డాడు. ముందు అప్పటికే ఉన్న మంచి సాంగ్ లో చిరును చూపిద్దామని అనుకున్నా.. మెగాస్టార్ రేంజ్ కి తగ్గట్లుగా కంపోజ్ చేసి సత్తా చాటాలని భావిస్తున్నాడు తమన్. ఈ పాట కూడా ఇంకా రెడీ కాలేదని.. అందుకే షూటింగ్ పోస్ట్ పోన్ అయినట్లు టాలీవుడ్ టాక్.