చిరంజీవి - ప‌వ‌న్ క‌ల్యాణ్ మ‌ల్టీస్టార‌ర్?

మెగాస్టార్ చిరంజీవి క‌థానాయ‌కుడిగా 154వ చిత్రం ప్రారంభ‌మైన సంగ‌తి తెలిసిందే. త్వ‌ర‌లోనే రెగ్యుల‌ర్ షూటింగ్ ప్రారంభం కానుంది. ఈ చిత్రానికి బాబి ద‌ర్శ‌క‌త్వం వ‌హిస్తున్నారు. ఇది ప‌క్కా మాస్ ఎంట‌ర్ టైన‌ర్ అని ఇప్ప‌టికే ద‌ర్శ‌కుడు బాబి రివీల్ చేసాడు. మ‌రి ఇందులో మెగాస్టార్ ని మునుప‌టి కంటే కొత్త‌గా ఎలా ఆవిష్క‌రిస్తారు? అన్న‌ది చూడాలి. ఇందులో వాల్తేరు వీర‌య్య అనే పాత్ర‌లో మెగాస్టార్ క‌నిపించ‌బోతున్న‌ట్లు ప్ర‌చారం సాగుతోంది. వైజాగ్ పోర్ట్ నేప‌థ్యంలో సాగే ఇంట్రెస్టింగ్ స్టోరీ ఇది అని లీకులందుతున్నాయి. `ముఠామేస్త్రి`లో చిరంజీవి పాత్ర‌ని మించి మాసిజం క‌నిపిస్తుంద‌ని జోరుగా ప్ర‌చారం సాగుతోంది.

తాజాగా సినిమాకి సంబంధించి ఓ ఇంట్రెస్టింగ్ న్యూస్ ఒక‌టి వైర‌ల్ గా మారింది. ఇందులో ప‌వ‌ర్ స్టార్ ప‌వ‌న్ క‌ళ్యాణ్ చిరంజీవి బ్ర‌ద‌ర్ పాత్ర‌లో క‌నిపించ‌నున్నార‌ని అంటున్నారు. ద‌ర్శ‌కుడు బాబి ప‌వ‌న్ ని ఒప్పించే ప్ర‌య‌త్నాలు చేస్తున్న‌ట్లు టాక్ వినిపిస్తోంది. సినిమాలో ఆ పాత్ర చాలా బ‌లంగా ఉంటుంద‌ని.. నేరుగా సొంత త‌మ్ముడు ప‌వ‌న్ క‌ళ్యాణ్ నే రంగంలోకి దించితే ఆ పాత్ర ఇంకా బాగా పండుతుంద‌ని..దాంతో పాటు సినిమా మైలేజ్ వ‌స్తుంద‌ని బాబి ప్లాన్ చేస్తున్నారుట‌. మ‌రి ఈ ప్ర‌పోజ‌ల్ కి ప‌వ‌న్ ఏమంటారో ఇప్ప‌టికి స‌స్పెన్స్.

ప్ర‌స్తుతం బాబి ప‌వ‌న్ ని కన్విన్స్ చేసే ప‌నిలోనే ఉన్న‌ట్లు స‌మాచారం. మ‌రి ప‌వ‌న్ ఒప్పుకుంటారా? లేదా? ఆయ‌న షెడ్యూల్స్ అనుకూలిస్తాయా లేదా? అన్న‌ది కూడా ఇంకా సందేహం. గ‌తంలో బాబి ప‌వ‌న క‌ళ్యాణ్ క‌థానాయ‌కుడిగా తెర‌కెక్కిన `స‌ర్దార్ గ‌బ్బ‌ర్ సింగ్` కి ద‌ర్శ‌క‌త్వం వ‌హించిన సంగ‌తి తెలిసిందే. `గబ్బ‌ర్ సింగ్` కి సీక్వెల్ గా తెర‌కెక్కిన ఆ సినిమా భారీ అంచ‌నాల‌ మ‌ధ్య విడుద‌లై అంచనాల్ని అందుకోవ‌డంలో విఫ‌లమైంది. ప్ర‌స్తుతం ప‌వ‌న్ క‌ళ్యాణ్ `బీమ్లా నాయ‌క్`..`హ‌రిహ‌ర‌వీర‌మ‌ల్లు` షూటింగ్ ల్లో బిజీగా ఉన్న సంగ‌తి తెలిసిందే.