స్టిల్స్ తో చితక్కోడుతున్న చిరంజీవి

ఇప్పుడంటే యువహీరోలు పంచ్ డైలాగులు వేస్తూ మాస్ ప్రేక్షకులను అలరిస్తున్నారు గానీ అసలు కేవలం ఎక్స్ప్రెషన్ లతోనే, గెట్ అప్ లతోనే బి,సి క్లాస్ ప్రేక్షకులకు పూనకాలు తెప్పించిన ఘనత చిరంజీవిది. శివశంకర వరప్రసాద్ నుండి పద్మభూషణ్ మెగాస్టార్ గా సాగిన ఆయన ప్రయాణం ఎందరికో ఆదర్శనీయం..

రాజకీయాల ఎపిసోడ్ పక్కన పెడితే చిరంజీవి ఇప్పటికీ టాలీవుడ్ కింగ్ అనే చెప్పుకోవాలి. అందుకే ఆయన 150వ సినిమా కోసం అందరూ కళ్ళుకాయలు కాచేలా ఎదురుచూస్తున్నారు. త్వరలోనే ఈ చారిత్రాత్మక చిత్రం వుంటుందని ప్రకటించిన చిరంజీవి ప్రస్తుతం అభిమానులకు చిన్న గిఫ్ట్ ఇవ్వనున్నాడు. ఈ నెల తన పుట్టినరోజుని పురస్కరించుకుని ఒక ఫోటో షూట్ ని విడుదలచేయనున్నాడు. 150వ సినిమాకు తాను అన్నివిధాలా సిద్ధమేనని తెలుపడం దీని పరమార్ధం. అయితే ఈ షూట్ లో కొన్ని ఫోటోలు అప్పుడే అంతర్జాలంలో కనువిందు చేయడం విశేషం. ఈ ఫోటోలు చిరు గ్లామర్ ఏ మాత్రం తగ్గలేదు అనడానికి నిదర్శనంగా నిలుస్తున్నాయి.. అన్నయ్యా వి ఆర్ వెయిటింగ్ ఫర్ యు..