బౌండరీలను దాటించిన రాజమౌళి -చిరు

బాహుబలి ది కంక్లూజన్.. ఇప్పుడు దేశవ్యాప్తంగా సెన్సేషన్. బాహుబలి2 తొలి రోజున 121 కోట్లకు పైగా షేర్ సాధించిందని అధికారికమైన లెక్కలు చెబుతున్నాయి. ఈ చిత్రం సాధించిన ఘనవిజయంపై దేశమంతా ప్రశంసలు కురిపిస్తుంటే.. టాలీవుడ్ లో ప్రతీ ఒక్కరు పొగడ్తలు కురిపిస్తున్నారు.

బాహుబలి ది కంక్లూజన్ పై ఇప్పుడు మెగాస్టార్ చిరంజీవి ప్రశంసలు కురిపించారు. 'బాహుబలి ది కంక్లూజన్ ఓ ఔట్ స్టాండింగ్ ఫిలిం. బాహుబలి లాంటి అద్భుతాన్ని సృష్టించిన రాజమౌళి.. ఈ ప్రశంసలు అన్నిటికీ అర్హుడు. తెలుగు సినిమా స్థాయిని పెంచి హద్దు దాటించిన క్రియేటర్ కు హ్యాట్సాఫ్' అన్నారు చిరంజీవి. అంతే కాదు.. బాహుబలి నటీనటులను.. సాంకేతిక వర్గాన్ని ప్రత్యేకంగా అభినందించారు మెగాస్టార్.

'ప్రభాస్.. రానా.. రమ్యకృష్ణ.. అనుష్క.. సత్యరాజ్.. నాజర్ లతో పాటు ఇతర నటీ నటులు.. ప్రత్యేకించి రైటర్ విజయేంద్ర ప్రసాద్.. సంగీత దర్శకుడు కీరవాణి.. సినిమాటోగ్రాఫర్ సెంథిల్.. ఇతర టెక్నికల్ టీం అందరికీ అభినందనలు' అన్నారు మెగాస్టార్. బాహుబలి2 తెలుగు సినిమా సరిహద్దులన్నీ చెరిపేసి.. దేశంలోనే అత్యధిక వసూళ్లను రాబడుతూ.. అంతర్జాతీయ సినిమా లోకం కూడా ఆశ్చర్యపోయే వసూళ్లను సాధిస్తోంది.

Like Us on Facebook : https://www.facebook.com/Tupakidotcom/