ఇదివ‌ర‌కు త‌మ‌న్నా.. ఇప్పుడు ర‌కూల్‌

మోస్ట్ బ్యూటిఫుల్ .. సెన్సువ‌ల్ .. సెక్సువ‌ల్ .. ఎట్రాక్టివ్ .. ఇలాంటి ప‌దాల్ని వేసి హీరోయిన్ల‌ను పొగిడేయ‌డం స‌హ‌జ‌మే అయినా.. నిన్న‌టిరోజున మెగాస్టార్ చిరంజీవి నోటి నుంచి వ‌చ్చిన ప‌ద‌జాలం టాలీవుడ్‌ లో పెద్ద రేంజులో డిష్క‌స‌న్ అయ్యింది. రామ్‌ చ‌ర‌ణ్ బ్రూస్‌ లీ ఆడియో వేడుక‌లో మెగాస్టార్ హీరోయిన్ ర‌కూల్ ప్రీత్‌ ని ఆకాశానికి ఎత్తేశారు. త‌మ‌న్నా త‌ర్వాత చిరు నుంచి ప్ర‌శంస‌లు అందుకున్న ఏకైక హీరోయిన్ ర‌కూల్‌.

ర‌కూల్ చాలా బ్యూటిఫుల్ హీరోయిన్‌. సెన్సువ‌ల్ బ్యూటీ.. ఎట్రాక్టివ్ గాళ్ అంటూ తెగ పొగిడేశారు చిరు. ఓ వైపు మెగాస్టార్‌ ఇలా ఓపెన్‌ గా పొగిడేస్తుంటే ర‌కూల్ షాక్‌ కి గురైంది. త‌న‌లో తానే మ‌ద‌న‌ప‌డిపోయింది. మ‌రోవైపు ప‌క్క‌నే ఉన్న చెర్రీ తెగ సిగ్గుల మొగ్గ అయిపోయాడు. ముసిముసిగా న‌వ్వేసుకున్నాడు. ర‌కూల్ మాత్రం చాలా ఆశ్చ‌ర్యంగా అంత పెద్ద హీరో త‌న‌ని ఇంత పొగిడేశారేంట‌బ్బా అనుకుంటూ స్ట‌న్న‌యిపోయింది. ఆ క్ష‌ణం ర‌కూల్ బుగ్గ‌ల్లో మెరుపులు మెరిశాయంటే అతిశ‌యోక్తి కాదు.

మెగాస్టార్ ఎంత‌గానో ఇంప్రెస్ అయితే కానీ ఇలాంటి ప‌ద‌జాలం ఉప‌యోగించ‌రు. అప్ప‌ట్లో ర‌చ్చ ఆడియో వేడుక‌లో ఇలా మాట్లాడారు. మిల్కీ బ్యూటీ త‌మ‌న్నా ఎంతో హాట్ హీరోయిన్‌. బ్యూటిఫుల్ హీరోయిన్ అంటూ పొగిడేశారు. మ‌ళ్లీ ఇంత కాలానికి అలాంటి కాంప్లిమెంట్స్ ర‌కూల్ ప్రీత్‌ కి ద‌క్కాయి. ర‌కూల్ కి ఇలాంటివి అరుదైన కాంప్లిమెంట్‌. ఒక‌వేళ మెగాస్టార్ చిరంజీవి న‌టించే 150వ సినిమాలో ర‌కూల్‌ కి అవ‌కాశం ఉంటుందేమో?