వాళ్ళలో సునీల్ కూడా ఉన్నాడు -చిరు

''ఇప్పుడు మనకున్న హీరోల్లో.. బెస్ట్ డ్యాన్సర్ల సరసన సునీల్‌ కూడా నిలుస్తాడు. అతడి డ్యాన్సుల స్టామినా ఏంటో ఈ సినిమా ట్రైలర్ లో కనిపిస్తోంది. నా డ్యాన్సులు చూసి తాను డ్యాన్సులు చేయడం నేర్చుకున్నాను అన్నాడు. ఆనందంగా ఉంది. నా అభిమాని ఈరోజు ఇలా ఒక స్థాయిలో ఉన్నాడంటే.. అతని తల్లిదండ్రుల తరువాత అత్యధికంగా గర్వించేది నేనే'' అంటూ సెలవిచ్చారు మెగాస్టార్‌ చిరంజీవి. అవునండి.. తనే ఒక ఆల్‌ టైమ్‌ బెస్ట్ డ్యాన్సర్ అయ్యుండీ.. సునీల్‌ గురించి ఇలా కితాబివ్వడం అంటే అది మెగాస్టార్‌ కే చెల్లింది.

గత రాత్రి జరిగిన ''జక్కన్న'' ఆడియో లాంచ్‌ లో మెగాస్టార్‌ ఈ విధంగా కామెంట్లు చేశారులేండి. ఇక ప్రక్కనే ఉన్న సునీల్‌ ఆ కామెంట్లతో ఉబ్బితబ్బిబైపోయాడంతే. నిజానికి సునీల్‌ ఈ సినిమా ట్రైలర్ లో కొత్త డ్యాన్సులకంటే కూడా.. ఎక్కువగా వీణ స్టెప్ ను మళ్ళీ వేసి చిరంజీవిని బాగా ఇంప్రెస్ చేశాడేమో అని చెప్పుకోవాలి. యాజిటీజ్ మెగాస్టార్‌ లా ఆ స్టెప్పును దించేశాడు కుర్రాడు. ఇకపోతే సునీల్‌ కోసం తన షూటింగ్‌ ను కాస్త ఎర్లీగా ముగించుకుని మరీ వచ్చానని.. ఎందుకంటే సునీల్‌ అంటే తనకు అంత ఇష్టమని కూడా మెగాస్టార్‌ చెప్పడంతో ఆడిటోరియం అదిరిపోయింది. మరి పవన్‌ కళ్యాణ్‌ మన నితిన్‌ కు లక్కును తెచ్చినట్లు.. చిరంజీవి కూడా సునీల్‌ కు కిక్కిస్తారేమో చూడాలి.