మెగా 'పవర్‌' మూవీలో చిరు మళ్లీ జాయిన్‌

మెగాస్టార్ చిరంజీవి బ్యాక్ టు బ్యాక్‌ సినిమా లతో జోరు మీదున్నాడు. ఆచార్య సినిమా తో ఇటీవలే ప్రేక్షకుల ముందుకు వచ్చిన చిరంజీవి మరో వైపు గాడ్ ఫాదర్.. భోళా శంకర్ మరియు వాల్తేరు వీరన్న సినిమాల షూటింగ్ ల్లో పాల్గొంటున్నాడు. హాలీడే ట్రిప్ నుండి వచ్చిన చిరంజీవి వెంటనే షూటింగ్‌ లో జాయిన్‌ అయ్యాడట. ముఖ్యంగా గాడ్‌ ఫాదర్ మరియు భోళాశంకర్ ల సినిమాల ముగింపు పై చిరంజీవి దృష్టి పెట్టాడట.

చిరంజీవి ఆ రెండు సినిమాలతో పాటు బాబీ దర్శకత్వంలో రూపొందుతున్న సూపర్‌ పవర్‌ ప్యాక్ మాస్ ఎంటర్‌ టైనర్‌ 'వాల్తేరు వీరన్న' సినిమా షూటిగ్ లో కూడా జాయిన్ అవుతున్నాడట. బాబీ మొదటి సినిమా పవర్ ఏ స్థాయిలో విజయాన్ని సొంతం చేసుకుందో తెల్సిందే. అలాంటి ఒక పవర్‌ ప్యాక్ మాస్ మూవీని చిరంజీవి తో వాల్తేరు వీరన్న అంటూ ప్రేక్షకుల ముందుకు తీసుకు రాబోతున్నట్లుగా సమాచారం అందుతోంది.

చిరంజీవి జాయిన్‌ కాకముందే గత వారం పది రోజులుగా వాల్తేరు వీరన్న షూటింగ్ ను నిర్వహిస్తున్నారట. తాజాగా చిరంజీవి కూడా షూటింగ్ లో జాయిన్ అయ్యాడు. చిరంజీవి కి జోడీగా ఈ సినిమాలో శృతి హాసన్ నటిస్తున్న విషయం తెల్సిందే. చిరంజీవి మరియు శృతి హాసన్ ల జోడీ ఎలా ఉంటుందా అంటూ అంతా ఆసక్తిగా ఎదురు చూస్తున్నారు.

భారీ అంచనాలున్న ఈ మాస్ సినిమా కోసం మెగా అభిమానులతో పాటు అందరూ ఆసక్తిగా ఎదురు చూస్తున్నారు. పవన్‌ కళ్యాణ్ తో సర్దార్ గబ్బర్ సింగ్‌ సినిమాను తెరకెక్కించి నిరాశ పర్చిన దర్శకుడు బాబీ ఇప్పుడు అన్నయ్య చిరంజీవి తో సినిమాను చేస్తూ ఉన్నాడు.

తమ్ముడు కు ఇవ్వలేని సక్సెస్ ను అన్నయ్య చిరంజీవికి వాల్తేరు వీరన్న తో ఇచ్చి మెగా ఫ్యాన్స్ ను సంతృప్తి పర్చాలని దర్శకుడు బలంగా కోరుకుంటున్నట్లుగా తెలుస్తోంది.

ఇక చిరంజీవి సినిమాల విడుదల విషయంలో కాస్త గందరగోళం కనిపిస్తుంది. ఆచార్య సినిమా నిరాశ పర్చిన నేపథ్యంలో ఈ ఏడాది మరో రెండు సినిమాలు విడుదల చేయాలనుకున్న ప్లాన్‌ ను రద్దు చేసుకున్నట్లుగా తెలుస్తోంది. ఈ ఏడాది లో కేవలం గాడ్‌ ఫాదర్‌ మాత్రమే ప్రేక్షకుల ముందుకు వచ్చే అవకాశం ఉంది. వచ్చే ఏడాది చిరంజీవి నటిస్తున్న భోళా శంకర్ మరియు వాల్తేరు వీరన్న సినిమాలు వచ్చే అవకాశాలు ఉన్నాయంటున్నారు.