12 నుంచి చిరు షో మొదలవుతోంది

మెగాస్టార్ చిరంజీవి మేకప్ వేసుకుని మూవీ షూటింగ్ లో పాల్గొనబోతున్నారు. ఎనిమిదేళ్లకు పైగా సినిమాలకు దూరంగా ఉన్న చిరంజీవి... రామ్ చరణ్ మూవీ బ్రూస్ లో కీలకపాత్ర పోషించబోతున్న విషయం తెలిసిందే. అయితే... ఈ చిత్రానికి సంబంధించిన షూటింగ్ లో పాల్గొనేందుకు... చిరు ఈనెల 12నుంచి యూనిట్ తో జత కాబోతున్నారు. ఓ పాట, ఫైట్ సహా పలు కీలక సన్నివేశాలను మెగాస్టార్ పై చిత్రీకరించేందుకు సిద్ధమవుతున్నాడు దర్శకుడు శ్రీనువైట్ల.

చిరంజీవితో సీన్స్ పిక్చరైజేషన్ పూర్తయితే... బ్రూస్ లీకి టాకీ పార్ట్ మొత్తం పూర్తి కానుంది. మకో రెండు పాటలు మాత్రమే బ్యాలెన్స్ ఉంటాయని.. వీటిని కూడా కంప్లీట్ చేసి.. దసరాకి సిద్ధం చేసేందుకు శరవేగంగా పనులు జరుగుతున్నాయి. మెగాస్టార్ తో రెండోసారి వర్క్ చేయబోతుండడంపై శ్రీను వైట్ల ఫుల్ హ్యాపీగా ఉన్నాడు. గతంలో తండ్రికొడుకులుగా చిరు డ్యుయల్ పోషించిన అందరివాడుకి వైట్లనే డైరెక్టర్. ఈ మూవీ రిజల్ట్ తేడా కొట్టినా... శ్రీనువైట్ల అంటే చాలా అభిమానం చిరుకు. అయితే... అప్పుడు వేరు, ఇప్పుడు వేరులెండి.

మెగాస్టార్ కోసం ఇప్పుడు ఫ్యాన్స్ ఎంతో ఆత్రంగా ఎదురుచూస్తున్నారు. చిరు తన సొంత కేరక్టర్ నే పోషిస్తుండడంతో... అభిమానుల అంచనాలకు మించి.. మెగాస్టార్ ని చూపించేందుకు వైట్ల పక్కా ప్లాన్ తో ఉన్నాడు. ఈ దసరాకి చిరు, చరణ్ ల కాంబోయో ఫ్యాన్స్ కి ట్రీట్.