బ్రూస్‌ లీ ల‌వ‌ర్‌ ని ర‌క్షించే మెగాస్టార్‌

ప్రియురాలు కావాలా? ఆమె తండ్రి కావాలా ? తేల్చుకో అని ఫ‌జిల్ వేస్తే ఏ కుర్రాడైనా ఏం చేస్తాడు? కీల‌క‌మైన అలాంటి సంద‌ర్భంలో ఎటువైపు మొగ్గు చూపుతాడు. కానీ అలాంటి సంద‌ర్భంలో చ‌ర‌ణ్ ఏం చేశాడో తెలుసా? ప్రియురాలి కంటే ఆమె తండ్రి ప్రాణాలు ర‌క్షించేందుకే ప్రాధాన్య‌త‌నిచ్చాడు. ఆ టైమ్‌ లో అంత‌కంటే ఆప్ష‌న్ లేదు. అవ‌త‌ల రౌడీలు టార్చ‌ర్ పెట్టేస్తున్నారు. ఇద్ద‌రినీ చెరో చో్ట దాచేశారు. నాన్న ఒక‌చోట‌. ప్రియురాలు ఇంకోచోట‌. మరి చివరకు ప్రియురాలు పరిస్థితి ఏంటి?

నిజానికి ఇద్దరినీ కాపాడితేనే హీరోయిజమ్‌. కానీ అందులోనే ట్విస్టుంది మ‌రి. కీల‌క‌మైన అలాంటి టైమ్‌ లోనే ఎంట్రీ ఇస్తాడు మెగా స్టార్‌ చిరంజీవి. గ్యాంగ్ లీడ‌ర్‌ లా ఎంట్రీ ఇచ్చి చెర్రీ ల‌వ‌ర్‌ ని కాపాడేస్తాడు. అస‌లు ఇంత‌కాలం బ్రూస్ లీ సినిమాలో చిరు క్యారెక్ట‌రైజేష‌న్ ఏంటి? అని డైల‌మాలో ఉన్నఅభిమానుల‌కు ఆ గుట్టు కాస్తా తెలిసిపోయింది. స‌స్పెన్స్‌ కి తెర వీడింది. మెగాస్టార్ చిరంజీవి క్యారెక్ట‌రైజేష‌న్ రివీలైపోయింది. ఈ సినిమాలో చెర్రీ ల‌వ‌ర్ ర‌కూల్‌ ని కాపాడే కీ రోల్ మెగాస్టార్‌ దే. రౌడీల భ‌ర‌తం ప‌ట్టి ప్రేయ‌సీ ప్రియుల్ని క‌లిపే బాధ్య‌త ఆయ‌న తీసుకుంటున్నారు. దీనికోసం అదిరిపోయే స్టంట్స్ చిరు పెర్ఫామ్ చేస్తార‌ని చెబుతున్నారు.

చిరంజీవి హీరోగా అంద‌రివాడేలే చిత్రం తెర‌కెక్కించాడు శ్రీ‌నువైట్ల‌. ఆ సినిమా రిలీజై చాలాకాల‌మే అయ‌యింది. మ‌ళ్లీ ఇంత‌కాలానాకి మ‌రోసారి చిరుని డైరెక్ట్ చేసే ఛాన్స్ వ‌చ్చింది. శ్రీ‌నూ చిరు కోసం రాసుకున్న ఈ స్పెష‌ల్ రోల్ సినిమాకే హైలైట్‌ గా ఉంటుంద‌న‌డంలో సందేహ‌మే లేదు. ఎలానూ ద‌స‌రా బ‌రిలో వ‌చ్చేస్తుంది కాబ‌ట్టి అభిమానుల‌కు డ‌బుల్ బొనాంజ‌. చిరు స్టంట్స్ తో ఐఫీస్ట్ షురూ..