RC15 లో చిరంజీవి సిస్టర్‌!!

మెగా పవర్ స్టార్ రామ్ చరణ్ హీరోగా తమిళ స్టార్ దర్శకుడు శంకర్ దర్శకత్వంలో రూపొందుతున్న భారీ బడ్జెట్ చిత్రంలో హీరోయిన్స్ గా కిరా అద్వానీ మరియు అంజలి నటిస్తున్న విషయం తెలిసిందే. తాజాగా అందుతున్న సమాచారం ప్రకారం ఈ సినిమాలో మరో కీలక పాత్రలో సీనియర్ హీరోయిన్ ఖుష్బూ కనిపించబోతుందట.

ఈ విషయమే చిత్ర యూనిట్ సభ్యులు అనధికారికంగా క్లారిటీ ఇస్తున్నారు, సినిమాలోని అత్యంత కీలకమైన ఎపిసోడ్ లో ఈమె కనిపించబోతున్నట్లుగా సమాచారం అందుతుంది. సినిమాకు సంబంధించిన షూటింగ్ చకచకా జరుగుతుంది.

నిన్న మొన్నటి వరకు రాజమండ్రి పరిసర ప్రాంతాల్లో చిత్రీకరణ జరిగిన విషయం తెలిసిందే. ఇప్పుడు సినిమా కొత్త షెడ్యూల్ కోసం ఏర్పాట్లు ముమ్మరంగా సాగుతున్నాయి. ఆ షెడ్యూల్లో ఖుష్బూ కనిపించబోతున్నారు.

గతంలో మెగాస్టార్ చిరంజీవి నటించిన పలు సినిమాల్లో ఖుష్బూ హీరోయిన్ గా నటించిన విషయం తెలిసిందే. అయితే చిరంజీవి నటించిన స్టాలిన్ సినిమాలో మాత్రం ఈమె సోదరీ పాత్రలో నటించి అందరి దృష్టిని ఆకర్షించి తన నటనతో విమర్శకుల ప్రశంసలు దక్కించుకున్నారు.

తెలుగు తో పాటు సౌత్‌ లో అన్ని భాషల్లో మరియు హిందీలో కూడా భారీ ఎత్తున ఈ సినిమాను విడుదల చేసే ఉద్దేశంతో కీలక పాత్రకు గాను ఖుష్బూ నీ ఎంపిక చేశారని సమాచారం అందుతుంది. అతి త్వరలోనే ఈ సినిమా నుండి ఫస్ట్ లుక్ రాబోతుందని.. టైటిల్ ని రివీల్‌ చేయబోతున్నారని సమాచారం అందుతుంది.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.