టైటిల్ తో ఆకట్టుకుందన్న చిరంజీవి

ఓ చిన్న సినిమాకు.. స్టార్ హీరో మద్దతు లభిస్తే ఆ కిక్కే వేరుగా ఉంటుంది. ఇండస్ట్రీకి పెద్ద దిక్కుగా పేరొందిన వారితో తమ సినిమాలకు చెందిన ప్రమోషనల్ మెటీరియల్ ను విడుదల చేయిస్తూ ఉంటారు దర్శక నిర్మాతలు. అయితే.. ఇంద్రగంటి మోహన్ కృష్ణ తెరకెక్కిస్తున్న సమ్మోహనం చిత్ర టీజర్ లాంఛింగ్ సందర్భంగా.. మెగాస్టార్ నుంచి విషెస్ అందుకోగా.. ఇందుకు సంబంధించిన వీడియోను హీరో సుధీర్ బాబు ట్విట్టర్ లో పోస్ట్ చేస్తూ తన ఆనందాన్ని వ్యక్తం చేశాడు.

'ఇంద్రగంటి మోహన్ కృష్ణ దర్శకత్వంలో.. శివలెంక కృష్ణప్రసాద్ నిర్మాణ సారధ్యంలో.. సుధీర్ బాబు- అదితిరావు హైదరి హీరో హీరోయిన్లు నటించిన సమ్మోహనం చిత్రం.. టైటిల్ తోనే ఆకట్టుకుంటోంది. నిజంగా ఆ టైటిల్ ఎంత ఆకర్షణీయంగా ఉందో.. అంతే రేంజ్ లో ప్రేక్షకులను కూడా ఆకర్షించుకుంటుంది.. సమ్మోహితులను చేస్తుంది అని భావిస్తున్నాను. ఒక మంచి ప్రేమ కథతో మన ముందుక వస్తున్న ఈ చిత్రం.. తప్పనిసరిగా మంచి విజయం సాధిస్తుంది అనడంలో నాకు ఎలాంటి సందేహం లేదు.. ఆల్ ది బెస్ట్' అన్నారు చిరంజీవి.

ఇవాళ సాయంత్రం గం.5.09 ని. లకు టీజర్ రిలీజ్ చేయనున్నట్లు చెప్పాడు సుధీర్ బాబు. సమ్మోహనం చిత్రంతో పాటు.. భరత్ అనే నేను.. రంగస్థలం చిత్రాల గురించి కూడా చిరంజీవి ఏం చెప్పారో చూసేందుకు వేచి చూడమంటూ టీజర్ తో పాటు టీజ్ చేశాడు ఈ హీరో. చిరంజీవి ఫుల్ ఇంటర్వ్యూ ఏమి ఇచ్చి ఉంటారా అనే ఆసక్తి కనిపిస్తోంది.

వీడియో కోసం క్లిక్ చేయండి