ప్రభాస్ చిరులను వేరుగా చూశారా?

బాలీవుడ్ వరస చూస్తుంటే ఇదే ప్రశ్న మెదులుతోంది. సాహో విడుదల సమయానికి అందరూ దారిచ్చి మరీ తమ సినిమాల రిలీజులు వాయిదా వేసుకున్నారు. కానీ సైరాకు మాత్రం హృతిక్ రోషన్ వార్ ని రంగంలోకి దించి దీన్ని సాహో స్థాయిలో పరిగణించడం లేదనే హింట్ ఇవ్వకనే ఇచ్చారు. వాస్తవానికి సైరా ట్రైలర్ వచ్చాక అంచనాలు పెరిగాయి. నార్త్ లో కూడా దీని మీద చాలా పాజిటివ్ ఫీడ్ బ్యాక్ వచ్చింది. వార్ కు ధీటుగా పోటీ ఇచ్చే కంటెంట్ సైరాలో ఉందని అక్కడి సాధారణ ప్రేక్షకులు అభిప్రాయపడినట్టు సోషల్ మీడియాలో కనిపించింది.

కానీ కొణిదెల టీమ్ అక్కడ ప్రత్యేక శ్రద్ధ వహించకపోవడడంతో సహజంగానే వార్ వైపు కాస్త ఎక్కువ ఎడ్జ్ కనిపిస్తోంది. అందులోనూ మల్టీ స్టారర్ కావడంతో మాస్ ప్రేక్షకులు ఎక్కువగా దాని వైపే మొగ్గు చూపుతున్నారు. దీంతో సైరా అక్కడ ఎలాంటి ఓపెనింగ్స్ సాధిస్తుందో అని అభిమానులు ఆందోళన చెందడం సహజం. ఇప్పుడు ఈ రెండు సినిమాల్లో ఎవరు విజేతగా నిలుస్తారు అన్నది ఆసక్తికరంగా మారింది. ఒకవేళ బాలీవుడ్ ట్రేడ్ సైరాని తక్కువ అంచనా వేసి వార్ కు ఓవర్ హైప్ ఇచ్చినా మొదటిరోజు టాక్ ని బట్టి తీర్పు స్పష్టంగా వచ్చేస్తుంది.