మెగా అల్లుడి కోసం మెగాస్టార్ కేరింగ్

టాలీవుడ్ లో ప్రస్తుతం ఒక్క హిట్టు దక్కితే చాలు అనే వాళ్లు చాలా మంది ఉన్నారు. అందులో మెగా హీరో అయితే టాప్ లో ఉన్నాడని చెప్పాలి. ఒక్క హిట్టు వస్తే చాలు అని గత కొన్నేళ్లుగా సాయి ధరమ్ తేజ్ చేస్తున్న ప్రయత్నం లేదు. కెరీర్ మొదట్లో రేయ్ తప్ప వరుసగా హ్యాట్రిక్ విజయాన్ని అందుకున్న తేజ్ ఆ తరువాత ఒక్కసారిగా డిజాస్టర్ బాట పట్టాడు. సుప్రీమ్ తరువాత ఒక్క కమర్షియల్ హిట్ కూడా లేదు.

కనీసం యావరేజ్ అనే టాక్ కూడా రాకపోవడంతో మెగా అల్లుడి కెరీర్ స్టార్టింగ్ లోనే కష్టకాలంలో పడిందని మెగా స్టార్ చిరంజీవి ఎంట్రీ ఇవ్వడానికి సిద్ధమయ్యారు. తన క్రేజ్ తో మళ్లీ అల్లుడిని సక్సెస్ ట్రాక్ లోకి ఎక్కించాలని చూస్తున్నాడు. మెగా హీరోలు అందరు సక్సెస్ ట్రాక్ లో ఉంటే మనోడు మాత్రం తడబడుతున్నాడని ఆలస్యం చేయకూడదని తేజ్ నెక్స్ట్ సినిమా ఆడియో రిలీజ్ బాధ్యతలను తనపై వేసుకున్నారు.

కరుణాకరన్ దర్శకత్వంలో తెరకెక్కిన తేజ్ ఐ లవ్ యూ సినిమా ఆడియో వేడుక ఈ నెల 9న హైదరాబాద్ లో ఘనంగా జరగనుంది. అయితే మెగాస్టార్ ఆ వేడుకకు ప్రత్యేక అతిధిగా రానున్నారు. ఇక నెక్స్ట్ సాయి ధరమ్ తేజ్ తో ఒక సినిమా నిర్మించాలని మెగాస్టార్ చిరంజీవి - పవర్ స్టార్ పవన్ కళ్యాణ్ ఇద్దరు కలిసి నిర్మాత అల్లు అరవింద్ తో ఓ మాట చెప్పినట్లు తెలుస్తోంది. ప్రస్తుతం గీత ఆర్ట్స్ వారు మంచి కథ కోసం వెతుకుతున్నారు.