మెగాస్టార్ చేతుల మీదుగా మజ్ను ఆడియో

సినిమాల్లో రీఎంట్రీ ఇవ్వాలని డిసైడ్ అయినప్పటి నుంచి సినిమా వేడుకల్లో మెగాస్టార్ ఎక్కువగానే కనిపిస్తున్నారు. ముఖ్యంగా ఆడియో ఫంక్షన్స్ లో చిరు కనిపించడం ఈ మధ్య పెరిగింది. తన ఫ్యామిలీ హీరోల సినిమాలకే కాకుండా.. బైట హీరోల ఆడియో ఫంక్షన్స్ లో కూడా చిరంజీవి సందడి చేస్తున్నారు.

ఇప్పటికే సునీల్ మూవీని సపోర్ట్ చేసిన చిరు.. ఇప్పుడు నాని మూవీ ఆడియోకి కూడా అటెండ్ కానున్నారు. నిర్మాత జెమినీ కిరణ్ స్పెషల్ రిక్వెస్ట్ చేయడంతో.. మజ్ను ఆడియో రిలీజ్ ఫంక్షన్ కు వస్తానని చెప్పారట చిరు. దీంతో నేచురల్ స్టార్ సినిమాకి ఏకంగా మెగాస్టార్ సపోర్ట్ లభించినట్లయింది. ట్యాలెంట్ ఉన్న చిన్న హీరోలను.. టెక్నీషియన్స్ ను సపోర్ట్ చేయడంలో మెగాస్టార్ ఎప్పుడూ ముందుంటారనే విషయం తెలిసిందే. సెప్టెంబర్ 4న (ఈరోజు) మజ్ను ఆడియో ఫంక్షన్ జరగనుంది. సెప్టెంబర్ 16న సినిమా రిలీజ్ చేయాలనేది ప్లాన్.

ఇక ఈ ఏడాది నాని రిలీజ్ చేస్తున్న మూడో సినిమా ఇది. ఇప్పటికే కృష్ణగాడి వీర ప్రేమగాధ.. జెంటిల్మన్ చిత్రాలను విడుదల చేయగా.. ఇప్పుడు మజ్నుతో ఆడియన్స్ ను పలకిరంచనున్నాడు. ఉయ్యాలా జంపాలా ఫేమ్ విరించి వర్మ దర్శకత్వం వహించగా.. మలయాళీ భామ అను ఇమ్మాన్యుయేల్ హీరోయిన్ గా నటించింది.