వైల్డ్ డాగ్ ప్ర‌తి తెలుగు వాడు భార‌తీయుడు చూడ‌ద‌గ్గ చిత్రం!-చిరంజీవి

కింగ్ నాగార్జున న‌టించిన వైల్డ్ డాగ్ ఇటీవ‌లే థియేట‌ర్ల‌లో రిలీజైన సంగ‌తి తెలిసిందే. తీవ్ర‌వాదం ఎన్.ఐ.ఏ ఆప‌రేష‌న్ నేప‌థ్యంలో ఆద్యంతం ర‌క్తి క‌ట్టించే స్పై థ్రిల్ల‌ర్ ఇది. క్రిటిక్స్ ప్ర‌శంస‌ల‌తో పాటు సెల‌బ్రిటీ స‌హోద‌రుల ప్ర‌శంస‌లు ఈ సినిమాకి ద‌క్కుతున్నాయి. ప‌లువురు ఇండ‌స్ట్రీ పెద్ద‌లు ఇప్ప‌టికే నాగార్జున అండ్ టీమ్ ప్ర‌య‌త్నాన్ని ప్ర‌శంసించారు. తాజాగా మెగాస్టార్ చిరంజీవి వైల్డ్ డాగ్ స్పెష‌ల్ షో వీక్ష‌ణ అనంత‌రం నాగ్-సోల‌మ‌న్- నిరంజన్ బృందంపై ప్ర‌శంస‌లు కురిపించారు.

``ఇప్పుడే #వైల్డ్ డాగ్ చూసాను. తెలుగు రాష్ట్రాల్లో జరిగిన అతి దారుణమైన టెర్రరిస్ట్ ఘాతుకం వెనుక ఉన్న కిరాతకులని పట్టుకున్న ఆ ఆపరేషన్ ని కళ్ళకి కట్టినట్టుగా చూపించారు. ఆ ఆవేశాన్ని ప్రాణాలకి తెగించి ఆ నీచుల్ని వెంటాడి వేటాడిన మన రియల్ లైఫ్ హీరోలని ఆ రియల్ హీరోలని మరింత అద్భుతంగా చూపించారు. వైల్డ్ డాగ్ టీంని దర్శకుడు సోలొమ‌న్.. నిర్మాత నిరంజ‌న్ రెడ్డిని మనస్ఫూర్తిగా అభినందిస్తున్నాను. ఇది ప్రతివారం విడుదలయ్యే చిత్రాల్లోఒకటి కాదు..ప్రతి ఒక్క భారతీయుడు తెలుగు వారు గర్వంగా చూడవల్సిన చిత్రం..డోంట్ మిస్ దిస్ #వైల్డ్ డాగ్! వాచ్ ఇట్ !!`` అంటూ వ‌రుస‌ ట్వీట్లు చేశారు చిరు.

మెగాస్టార్ చిరంజీవి క‌థానాయ‌కుడిగా ఆచార్య తెర‌కెక్కుతున్న సంగ‌తి తెలిసిందే. ఈ సినిమా త‌ర్వాత వ‌రుస‌గా బ్యాక్ టు బ్యాక్ సినిమాల‌తో మెగాస్టార్ ఫుల్ బిజీగా ఉన్నారు. ఇండ‌స్ట్రీ పెద్ద‌గానూ ఆయ‌న స‌హ‌చ‌రుల చిత్రాల‌కు ప్ర‌చార సాయం చేస్తుండ‌డం ఆస‌క్తిక‌రం.