బ్రహ్మాస్త్ర.. ఈవెంట్‌ ను స్కిప్‌ చేసిన మెగాస్టార్ స్పెషల్‌ షో కి ఓకే

బాలీవుడ్ మోస్ట్‌ క్రేజీ మూవీ బ్రహ్మాస్త్ర విడుదల హడావుడి కేవలం ఉత్తర భారతం లోనే కాకుండా తెలుగు రాష్ట్రాల్లో కూడా కనిపిస్తుంది. ఎప్పుడూ కూడా తెలుగు రాష్ట్రాల్లో బాలీవుడ్ సినిమా విడుదలకు సంబంధించి మరీ ఇంత హడావుడి అయితే లేదు. ఒక సూపర్‌ స్టార్‌ హీరో హిందీ డబ్బింగ్ సినిమా యొక్క ప్రీ రిలీజ్ ఈవెంట్ లో పాల్గొనబోతున్న నేపథ్యంలో అంచనాలు ఆకాశాన్ని తాకేలా ఉన్నాయి.

ఇక బాలీవుడ్ సినిమా ను మన జక్కన్న రాజమౌళి సమర్పించడంతో పాటు మెగాస్టార్ చిరంజీవి సినిమా కు తన గాత్రం ను ఇవ్వడం ద్వారా కూడా సినిమా స్థాయి మరింత పెరిగింది అనడంలో సందేహం లేదు. అలాంటి సినిమా కోసం తెలుగు ప్రేక్షకులు ఒక తెలుగు స్టార్‌ హీరో సినిమా కోసం వెయిట్‌ చేసినట్లుగానే వెయిట్‌ చేస్తున్నారు.

బ్రహ్మాస్త్ర సినిమా యొక్క ప్రీ రిలీజ్ ఈవెంట్‌ కు మెగాస్టార్‌ చిరంజీవి హాజరు అవ్వాల్సి ఉంది. కానీ కొన్ని కారణాల వల్ల మెగాస్టార్‌ ఆ వెంట్‌ ను స్కిప్‌ చేశాడని.. దాంతో రాజమౌళి ఆహ్వానం మేరకు ఎన్టీఆర్‌ ఈ ప్రీ రిలీజ్ ఈవెంట్ కు ముఖ్య అతిథిగా హాజరు అయ్యేందుకు ఓకే చెప్పాడు అంటూ సినీ వర్గాల ద్వారా సమాచారం అందుతోంది.

చిరంజీవి బ్రహ్మాస్త్ర యొక్క ప్రీ రిలీజ్ ఈవెంట్ ను స్కిప్‌ చేసినా కూడా సినిమా ప్రమోషన్ లో తన వంతు బాధ్యతను నిర్వర్తించబోతున్నట్లుగా తెలుస్తోంది. తన మిత్రుడు నాగార్జున కోసం అన్నట్లుగా ఈ సినిమా యొక్క ప్రత్యేక షో ను చిరంజీవి చూడబోతున్నాడు. సినిమా ప్రపంచ వ్యాప్తంగా విడుదల కావడానికి కొన్ని గంటల ముందే మెగాస్టార్‌ చిరంజీవి తన వారితో కలిసి ప్రత్యేక షో చూస్తాడట.

సినిమా యొక్క ప్రీమియర్ షో కు చిరంజీవి హాజరు అవ్వడం.. సినిమా గురించి మాట్లాడటం తో మరింత సినిమా కు పబ్లిసిటీ దక్కడం ఖాయం. తద్వారా తెలుగు రాష్ట్రాల్లో బ్రహ్మాస్త్ర టికెట్లు భారీ ఎత్తున తెగడం ఖాయం.. దాంతో తెలుగు స్టార్‌ హీరోల సినిమా ల రేంజ్ లో ఓపెనింగ్స్ ఉండటం కూడా ఖాయం. మొత్తానికి బ్రహ్మాస్త్ర సినిమా తెలుగు ప్రేక్షకుల్లో రాబోయే రెండు వారాల పాటు హాట్ టాపిక్ గా ఉండబోతుంది.