చిరంజీవి క్రిష్ కు ఫోన్ చేసి..

ఓవైపు మెగా-నందమూరి అభిమానుల మధ్య గ్రౌండ్ లెవెల్లో వార్ నడుస్తోంది. కానీ చిరంజీవి.. బాలకృష్ణ మాత్రం స్నేహ భావంతో ఎదుటివాళ్ల సినిమాలు బాగా ఆడాలని కోరుకుంటున్నారు. ఇద్దరూ తమ సినిమాల ప్రమోషన్ల సందర్భంగా అవతలి సినిమాల గురించి పాజిటివ్ గా మాట్లాడుతూ శుభాకాంక్షలు చెప్పడం తెలిసిందే. ఇప్పుడు చిరంజీవి ఒక అడుగు ముందుకేసి ‘గౌతమీపుత్ర శాతకర్ణి’ సాధించిన విజయంపై అభినందనలు కూడా తెలపడం విశేషం. ఈ విషయాన్ని శాతకర్ణి రూపకర్త క్రిష్ స్వయంగా వెల్లడించాడు. ‘గౌతమీపుత్ర శాతకర్ణి’కి సంబందించి తాను అందుకున్న అనేకానేక అభినందనల్లో చిరంజీవి ప్రశంస కూడా ఉందన్నాడు క్రిష్.

‘గౌతమీపుత్ర శాతకర్ణి’ విడుదల తర్వాత చిరంజీవి తనకు ఫోన్ చేసి అభినందించినట్లు క్రిష్ తెలిపాడు. అలాగే మిగతా ఇద్దరు సీనియర్ హీరోలు నాగార్జున.. వెంకటేష్ ల నుంచి అభినందనలు అందుకున్నట్లు క్రిష్ వెల్లడించాడు. మరోవైపు మహేష్ బాబు సైతం ట్విట్టర్లో ‘గౌతమీపుత్ర శాతకర్ణి’పై తన స్పందన తెలియజేయగా.. ఎన్టీఆర్ క్రిష్ తో కలిసి ఈ సినిమా చూసి.. దాని గురించి గొప్పగా మాట్లాడాడు. అల్లు అర్జున్.. నితిన్.. రామ్ లాంటి యంగ్ హీరోలు కూడా ఈ సినిమా గురించి పాజిటివ్ గా స్పందించారు. ఇంకా దాసరి నారాయణరావు.. కె.రాఘవేంద్రరావు లాంటి దిగ్గజాలు కూడా క్రిష్ అండ్ కోపై ప్రశసంలు కురిపించారు. దీనిపై క్రిష్ స్పందిస్తూ.. ‘‘మా సినిమాకు ఇలాంటి స్పందన వస్తుందని ఊహించలేదు. ఒక ఫిల్మ్ మేకర్ గా నేను ఇలాంటి అనుభవాన్ని ఎప్పుడూ చూడలేదు. ఇండస్ట్రీలో ప్రతి ఒక్కరూ ‘గౌతమీపుత్ర శాతకర్ణి’ గురించి గొప్పగా స్పందించారు’’ అని క్రిష్ చెప్పాడు.

Like Us on Facebook : https://www.facebook.com/Tupakidotcom/