బాలయ్య ని మరోసారి ఇంప్రెస్ చేస్తాడా!!

టాలీవుడ్ సినిమాలకు నార్త్ సంగీత దర్శకులు బాణీలను అందించడం చాలా అరుదు. మ్యూజిక్ డైరెక్టర్స్ ఎక్కువగా అన్ని భాషల్లో సినిమాలను చేయాలనీ అనుకుంటారు. బాలీవుడ్ లో కొంతమంది సంగీత దర్శకులు ఇప్పటికి సౌత్ ఆఫర్స్ వస్తే చేయడానికి సిద్ధంగా ఉంటారు. అంతే కాకుండా ఒక్కోసారి ఇతర భాషల్లో మొదటి అవకాశం కోసం రెమ్యునరేషన్ ని కూడా తగ్గిస్తారట. ఈ విషయం పక్కనపెడితే.. బాలీవుడ్ నుంచి వచ్చిన చిరంతన్ భట్ కూడా ఇప్పుడు తెలుగు సినిమాలపై ఎక్కువగా ఫోకస్ చేస్తున్నాడు.

బాలీవుడ్ లో అక్షయ్ తో గబ్బర్ ఈజ్ బ్యాక్ అనే సినిమాకు చిరంతన్ రెండు పాటలకు ట్యూన్స్ ఇచ్చాడు. ఆ సినిమాను టాలీవుడ్ డైరెక్టర్ క్రిష్ తెరకెక్కించాడు. అప్పుడు క్రిష్ కి అతని పనితనం బాగా నచ్చడంతో కంచె సినిమాకు సెలెక్ట్ చేసుకున్నాడు. ఆ సినిమా ఆల్బమ్ కి మంచి టాక్ వచ్చింది. ముఖ్యంగా బ్యాక్ గ్రౌండ్ స్కోర్ చాలా బాగా ఇచ్చాడు. దీంతో ఆ వెంటనే క్రిష్ మళ్లీ బాలయ్య - గౌతమి పుత్ర శాతకర్ణి సినిమాకు ఎంచుకున్నాడు. బాలకృష్ణకు కూడా కంచె ఆల్బమ్ నచ్చడంతో ఒకే చెప్పేశాడు.

ఆ సినిమాకు కూడా చిరంతన్ పాటలతో బ్యాక్ గ్రౌండ్ మ్యూజిక్ తో బాలకృష్ణను ఫిదా చేశాడు. దీంతో ఆయన నుంచి మరో అఫర్ ను అందుకొన్నాడు. ప్రస్తుతం కె.ఎస్ రవి కుమార్ దర్శకత్వంలో బాలయ్య చేస్తోన్న జయ సింహా అనే సినిమాకు చిరంతన్ మంచి బాణీలను అందించడానికి చాలా ఏకాగ్రతతో వర్క్ చేస్తున్నాడట. కమర్షియల్ సినిమా కావడంతో బాలయ్య ఇమేజ్ ను దృష్టిలో పెట్టుకొని మాస్ సాంగ్స్ ని స్వీట్ మెలోడీ సాంగ్స్ కి మంచి ట్యూన్స్ రెడీ చేస్తున్నట్లు తెలుస్తోంది. మరి ఈ దర్శకుడు ఎంతవరకు మెప్పిస్తాడో చూడాలి.