పీవీ సింధుతో చిరు-రాధిక‌! స్వ‌ర్ణం అంటూ రాధిక పొర‌పాటు!!

టోక్యో ఒలింపిక్స్ లో భార‌త బ్యాడ్మింటన్ స్టార్ పీవీ సింధు కాంస్యం గెలిచుకున్న‌ సంగతి తెలిసిందే. ఈ నేపథ్యంలో పీవీ సింధుకు ఘ‌న‌స‌త్కారం ల‌భిస్తోంది. సింధు స‌న్మాన కార్య‌క్ర‌మంలో మెగాస్టార్ చిరంజీవి.. వెట‌ర‌న్ న‌టి రాధిక త‌దిత‌రులు పాల్గొన్నారు. ఈ ఈవెంట్లో ఆ ఇద్ద‌రూ పీవీ సింధుతో క‌లిసి ఫోటో దిగారు.

అనంత‌రం ఈ ఫోటోని ట్విట్ట‌ర్ లో పోస్ట్ చేసిన న‌టి రాధిక ``పీవీ సింధు గెలిచింది స్వర్ణం పతకం`` అంటూ ట్వీట్ చేశారు. ``పసిడి పతకం గెలుచుకోవడం ఎంత గొప్ప అనుభూతి! దేశం కోసం పోరాడి పతకం సాధించింది`` అంటూ రాధిక తన ట్వీట్ లో పేర్కొన్నారు. అంతేకాదు, ఒలింపిక్ గోల్డ్ అంటూ హ్యాష్ ట్యాగ్ ని వైర‌ల్ చేశారు. అయితే రాధిక త‌ప్పిదాన్ని నెటిజ‌నులు వెంట‌నే ప్ర‌శ్నించారు. కొద్దిసేప‌టికే తాను త‌ప్పుగా ట్వీట్ చేశాన‌ని రాధిక అర్థం చేసుకుని దానిని తొల‌గించి కాంస్యం అని మార్చారు.

కొంద‌రు నెటిజ‌నులు కాస్త వ్యంగ్యంగా స్పందిస్తూ.. `బంగారం పూతపూసిన కాంస్య పతకం` అంటూ రాధిక ట్వీట్ ని ఎద్దేవా చేశారు. పీవీ సింధు ఏం గెలిచిందో కూడా తెలియకుండానే వాళ్లను కలిసి అభినందించడం వల్ల ఏమిటి ప్రయోజనం? అంటూ ప‌లువురు నిల‌దీయ‌డం ఈ సంద‌ర్భంగా చ‌ర్చ‌కు వ‌చ్చింది. ఇటీవ‌లే ఎయిటీస్ స్టార్ల‌లో సుహాసిని మ‌ణిర‌త్నం బ‌ర్త్ డే వేడుక‌లో రాధిక స‌హా స్నేహితురాళ్ల బృందం డ్యాన్సుల‌తో ఆక‌ట్టుకున్న సంగ‌తి తెలిసిందే.