హ్యాపీ బర్త్ డే మై బాయ్.. చిరు ఎమోష‌న్!

చిరుత చిత్రంతో టాలీవుడ్ లో అడుగు పెట్టిన రామ్ చ‌ర‌ణ్ తండ్రికి తగ్గ త‌న‌యుడిగా నిరూపించుకుని త‌న ప‌రిధిని పాన్ ఇండియా స్థాయికి విస్త‌రిస్తున్న సంగ‌తి తెలిసిందే. 2007లో చిరుత రిలీజైంది. కేవలం ఈ 14ఏళ్ల‌లో అత‌డు ఎంతో పెద్ద స్టార్ గా ఎదిగారు. ప్ర‌స్తుతం రాజ‌మౌళితో ఆర్.ఆర్.ఆర్ .. శంక‌ర్ ద‌ర్శ‌క‌త్వంలోని సినిమాతో ప‌టిష్ఠ‌మైన లైన‌ప్ ‌ను క‌లిగి ఉన్నాడు. సౌత్ ఛాలెంజింగ్ హీరోల్లో ఒక‌రిగా.. భ‌విష్య‌త్ ఛాలెంజ‌ర్ గా చ‌ర‌ణ్ సాటి హీరోల‌కు ఛాలెంజ్ విసిరే స్థాయిలో ఉన్నారు.

అయితే అంత పెద్ద స్టార్ అయినా కానీ.. ఇప్ప‌టికీ ఎప్ప‌టికీ ఒదిగి ఉండేవాడిగా అంద‌రి మ‌న్న‌న‌లు అందుకుంటున్నారు. చ‌ర‌ణ్ సింప్లిసిటీ.. కుటుంబ విలువ‌లు.. అభిమానుల విష‌యంలో ప్రేమాభిమానాలు.. అంద‌రికీ నచ్చే ఎలిమెంట్స్. ఒక స్టార్ గా అత‌డి డెడికేష‌న్ హార్డ్ వ‌ర్క్ గురించి చెప్పాల్సిందేమీ లేదు. నేటి(మార్చి 27)తో రామ్ చరణ్ 36వ వసంతంలోకి అడుగు పెట్టారు. ఈ సందర్భంగా అభిమానుల నుంచి కుటుంబ స‌భ్యుల నుంచి శుభాకాంక్ష‌లు వెల్లువెత్తాయి. కొంత కాలంగా అభిమానుల సోష‌ల్ మీడియా హంగామా గురించి తెలిసిన‌దే.

ఇక భార్య ఉపాస‌న స‌హా డాడీ చిరంజీవి చెర్రీకి ప్ర‌త్యేకంగా శుభాకాంక్ష‌లు తెలిపారు. హ్యాపీ బ‌ర్త్ డే మై బోయ్..! అంటూ చిరు షేర్ చేసిన‌ ఓ స్పెష‌ల్ ఎమోష‌న‌ల్ వీడియో అభిమానుల్లో వైర‌ల్ గా మారింది. ఇంత‌కీ ఈ వీడియోలో ఏం ఉంది? అన్న‌ది చూస్తే...

చిన్నప్పుడు రామ్ చరణ్ గొడుగు పట్టుకున్న ఫొటోతో పాటు.. ఇటీవ‌లి అలాంటి మరో రెండు ఫొటోలను మెగాస్టార్ ఈ వీడియోలో రివీల్ చేశారు. త‌న‌ను ఎంతో ప్రేమ‌గా జాగ్ర‌త్త‌గా చూసుకునే త‌న‌యుడు అంటూ చిరు ఆ వీడియోలో వెల్ల‌డించారు. నేప‌థ్యంలో సంగీతం ఆక‌ట్టుకుంది. త‌ల్లిగారైన‌ సురేఖతో చెర్రీ ఉన్న ఫొటోను కూడా ఈ వీడియోలో జత చేసారు. చిరు ఎంతో ఎమోష‌న‌ల్ గా తనయుడికి పుట్టిన‌రోజు శుభాకాంక్ష‌లు తెలిపారు. ప్ర‌స్తుతం ఈ వీడియో మెగాభిమానుల్లోకి దూసుకెళుతోంది.