అక్టోబర్ 1న చిరు బొమ్మ?

మెగా ఫ్యాన్స్ కి ఈ వారాంతరం నుండి పండగ షురూ కానున్న విషయం తెలిసినదే. సాయి ధరమ్ తేజ్ సుబ్రమణ్యం గా ప్రేక్షకుల ముందుకు రానున్న ఈ సందర్భంలో బెనిఫిట్ షోలు కూడా ప్లాన్ చేసినట్టు సమాచారం. ఇక చరణ్ బ్రూస్ లీ సినిమాకు సంబంధించిన ఒక హాట్ న్యూస్ ఇటీవలే బయటకొచ్చింది.

బ్రూస్ లీ సినిమాలో చిరు ఒక ముఖ్యపాత్రలో కనిపిస్తున్న సంగతి తెలిసినదే. అయితే గోప్యంగా చిరుపై షూటింగ్ జరుగుతున్నట్టు సమాచారం. షూటింగ్ పిక్స్ ఎక్కడా బయటపడకుండా జాగ్రత్తలు తీసుకుంటున్నారు. ఈ సినిమాకు సంబంధించి చిరంజీవి పోస్టర్ లను అక్టోబర్ 1న విడుదల చేయనున్నట్టు సమాచారం.

ఆ మరుసటి రోజు ఎలానో కంచె విడుదలతో పాటూ బ్రూస్ లీ ఆడియో వేడుక వున్న సంగతి తెలిసినదే. ఈ మేరకు విడుదల చేసే థియేట్రికల్ ట్రైలర్ లో చిరు షాట్స్ కొన్ని కనిపించే అవకాశం వుంది. అక్టోబర్ 16న ఈ సినిమాను గ్రాండ్ గా విడుదల చేయనున్నట్టు చిత్ర బృందం ప్రకటించింది.