రజినీ సినిమాలో మెగాస్టార్!!?

సూపర్ స్టార్ రజినీకాంత్ - శంకర్ కాంబినేషన్ లో రోబో సీక్వెల్ గా 2.0 తెరకెక్కుతున్న సంగతి తెలిసిందే. ఇప్పటికే ఈ చిత్రం షూటింగ్ చాలా భాగం పూర్తయింది. మొదట 350 కోట్లు అనుకున్నా.. ఇప్పుడీ ప్రాజెక్టు బడ్జెట్ ని 400 కోట్ల రూపాయలకు చేర్చారు. మరిన్ని హంగులు అద్దడం కోసం ప్రయత్నిస్తున్నారు. ఇందులో భాగంగా టాలీవుడ్ నుంచి ఓ టాప్ హీరోను 2.0లో గెస్ట్ రోల్ చేయించేందుకు ప్రయత్నిస్తున్న సంగతి తెలిసిందే.

రజినీ సినిమాలో ఫలానా హీరో నటించబోతున్నాడంటూ రకరకాల ప్రచారాలు జరిగాయ్ కానీ.. 2.0లో మెగాస్టార్ చిరంజీవిని నటింపచేయనున్నారనే టాక్ లేటెస్ట్ గా మొదలైంది. క్లైమాక్స్ కు ముందు వచ్చే ఓ ఎపిసోడ్ సినిమాకి కీలకంగా కాగా.. ఆ ఎపిసోడ్ ను చిరంజీవి చేస్తే.. తెలుగులో ఈ చిత్రానికి బోలెడంత వర్త్ పెరుగుతుందని యోచిస్తున్నారట రోబో దర్శక నిర్మాతలు. ఇప్పటికే చిరును ప్రత్యేకించి అడగారట కూడా. అసలే రజినీకాంత్ సినిమా.. అందులోనూ శంకర్ తో నటించాలనే కోరికను గతంలోనే వెల్లడించిన చిరు.. వెంటనే ఈ ఆఫర్ ను ఒప్పుకున్నట్లు తెలుస్తోంది. త్వరలోనే షూటింగ్ కూడా మొదలైపోనుందని కోలీవుడ్ జనాలు చెప్పుకుంటున్నారు.

గతంలో కూడా చిరంజీవి-రజినీకాంత్ లు కలిసి రెండు సినిమాల్లో నటించారు. మాప్పిళ్లై (అత్తకు యముడు.. అమ్మాయికి మొగుడుకి తమిళ్ రీమేక్).. రవున వీరన్ సినిమాల్లో కలిసి నటించారు. ఇప్పుడు 2.0 కోసం ప్రీక్లైమాక్స్ ఎపిసోడ్ లో వచ్చే ఈ రోల్ ను చిరంజీవితో కానీ.. మహేష్ బాబుతో కానీ చేయించాలని భావించారట. చివరకి చిరుకే మొగ్గారని.. కోలీవుడ్ జనాలు చెప్పుకుంటున్నారు. అయితే.. ఈ పాత్రను ఎవరు పోషించారనే విషయాన్ని చివరివరకూ బయటకు చెప్పే ఉద్దేశ్యం 2.0 నిర్మాతలకు లేకపోవడం ఆశ్చర్యం కలిగిస్తోంది. ఆడియన్స్ ను థ్రిల్ చేయడం కోసమే ఇదంతా అంటున్నారు లెండి.